ကခ်င္ျပည္နယ္တြင္ ငွက္ဖ်ားေရာဂါျဖစ္ပြားမႈႏႈန္းအမ်ားဆံုး ၿမိဳ႕နယ္မ်ားမွာ ဝိုင္းေမာ္ႏွင့္ မိုးေမာက္ၿမိဳ႕နယ္ မ်ားျဖစ္သည္ ဟုသိရ
EPN
ျမစ္ႀကီးနား၊ ေမ ၇
ကခ်င္ျပည္နယ္အတြင္း ငွက္ဖ်ားေရာဂါျဖစ္ပြားမႈႏႈန္းအမ်ားဆံုး ၿမိဳ႕နယ္မ်ားမွာ ဝိုင္းေမာ္ၿမိဳ႕နယ္ႏွင့္ မိုးေမာက္ျမိဳ႕နယ္တို႔ျဖစ္ေၾကာင္း ကခ်င္ျပည္နယ္ငွက္ဖ်ားေရာဂါတိုက္ဖ်က္ေရးဦးစီးဌာနမွ သိရသည္။
ကခ်င္ျပည္နယ္ ျပည္သူ႔က်န္းမာေရးဦးစီးဌာနအေနျဖင့္ ငွက္ဖ်ားေရာဂါတိုက္ဖ်က္ေရး လုပ္ငန္းမ်ားကို ၂၀၁၁ခုနွစ္မွ စတင္ကာ ျပည္ပအဖြဲ႔အစည္းမ်ားျဖစ္သည့္ GLOBAL FUND၊ INGO၊ NGO စသည့္အဖြဲ႔အစည္းမ်ားႏွင့္ ပူးေပါင္းႏွိ္မ့္နင္းခဲ့ၿပီး ဤသို႔ႏွိမ့္နင္းေဆာင္ရြက္ခဲ့ေသာမွတ္တမ္းမ်ားအရ ဝိုင္းေမာ္ၿမိဳ႕နယ္ႏွင့္ မိုးေမာက္ျမိဳ႕နယ္တို႔တြင္ ငွက္ဖ်ားေရာဂါျဖစ္ပြားမႈအမ်ားဆံုးျဖစ္ေၾကာင္းသိရသည္။
“ေလာေလာဆယ္ ကြ်န္ေတာ္တို့ဆီ တက္လာတဲ့ စာရင္းေတြအရ ကခ်င္ျပည္နယ္မွာ ငွက္ဖ်ားေရာဂါျဖစ္ပြားမႈအမ်ားဆံုးကေတာ့ ဝိုင္းေမာ္ၿမိဳ႕နယ္ႏွင့္ မိုးေမာက္ၿမိဳ႕နယ္ေပါ့။ ျဖစ္ပြားမႈႏႈန္းက တစ္ေထာင္ေက်ာ္ေနတုန္းဘဲ၊ ကြၽန္ေတာ္တို႔ဆီက စာရင္းေတြပဲ ေတာ့ မဟုတ္ဘူးေပါ့ေနာ္။ ငွက္ဖ်ားေရာဂါကို တိုက္ဖ်က္ေနတဲ့ အဖြဲ႔အစည္းေပါင္းစံုက အခ်က္အလက္ေတြအရ ဝိုင္းေမာ္ႏွင့္မိုးေမာက္က ၿမိဳ႕နယ္အလိုက္ျဖစ္ပြားမႈ အျမင့္ဆံုးျဖစ္တယ္“ဟု ေဒါက္တာေဇာ္ရန္က ေျပာသည္။
ျပည္သူ႕က်န္းမာေရးဦးစီးဌာနႏွင့္ ျပည္တြင္း/ျပည္ပ အဖြဲ႕အစည္းမ်ား၏ ပူးေပါင္းေဆာင္ရြက္မႈမ်ားေၾကာင့္ ကခ်င္ျပည္နယ္၏ ငွက္ဖ်ားေရာဂါျဖစ္ပြားမႈနႈန္းမွာ တစ္နွစ္ထက္တစ္နွစ္ပိုမို က်ဆင္းလ်က္ရိွေနျပီး ၂၀၁၂ခုႏွစ္တြင္ ၅၇၀၀၀ဦးေက်ာ္၊၂၀၁၃ခုႏွစ္တြင္ ၄၂၀၀၀ဦးေက်ာ္၊၂၀၁၄ခုႏွစ္တြင္ ၂၄၀၀၀ဦးေက်ာ္၊၂၀၁၅ခုႏွစ္တြင္ ၁၉၀၀၀ဦးေက်ာ္၊ ၂၀၁၆ခုႏွစ္တြင္ ၁၁၀၀၀ဦးေက်ာ္၊ ၂၀၁၇ခုႏွစ္တြင္ ၇၀၀၀ဦးေက်ာ္အထိ ေလ်ာ့နည္းလာၿပီး ၂၀၁၈ခုႏွစ္တြင္ ၄၀၀၀ဦးေက်ာ္အထိ ေလ်ာ့နည္းက်ဆင္းသြားေၾကာင္း သိရသည္။
လြမ္းေအာင္
——————————————-
ကချင်ပြည်နယ်တွင် ငှက်ဖျားရောဂါဖြစ်ပွားမှုနှုန်းအများဆုံး မြို့နယ်များမှာ ဝိုင်းမော်နှင့် မိုးမောက်မြို့နယ် များဖြစ်သည် ဟုသိရ
EPN
မြစ်ကြီးနား၊ မေ ၇
ကချင်ပြည်နယ်အတွင်း ငှက်ဖျားရောဂါဖြစ်ပွားမှုနှုန်းအများဆုံး မြို့နယ်များမှာ ဝိုင်းမော်မြို့နယ်နှင့် မိုးမောက်မြို့နယ်တို့ဖြစ်ကြောင်း ကချင်ပြည်နယ်ငှက်ဖျားရောဂါတိုက်ဖျက်ရေးဦးစီးဌာနမှ သိရသည်။
ကချင်ပြည်နယ် ပြည်သူ့ကျန်းမာရေးဦးစီးဌာနအနေဖြင့် ငှက်ဖျားရောဂါတိုက်ဖျက်ရေး လုပ်ငန်းများကို ၂၀၁၁ခုနှစ်မှ စတင်ကာ ပြည်ပအဖွဲ့အစည်းများဖြစ်သည့် GLOBAL FUND၊ INGO၊ NGO စသည့်အဖွဲ့အစည်းများနှင့် ပူးပေါင်းနှိမ့်နင်းခဲ့ပြီး ဤသို့နှိမ့်နင်းဆောင်ရွက်ခဲ့သောမှတ်တမ်းများအရ ဝိုင်းမော်မြို့နယ်နှင့် မိုးမောက်မြို့နယ်တို့တွင် ငှက်ဖျားရောဂါဖြစ်ပွားမှုအများဆုံးဖြစ်ကြောင်းသိရသည်။
“လောလောဆယ် ကျွန်တော်တို့ဆီ တက်လာတဲ့ စာရင်းတွေအရ ကချင်ပြည်နယ်မှာ ငှက်ဖျားရောဂါဖြစ်ပွားမှုအများဆုံးကတော့ ဝိုင်းမော်မြို့နယ်နှင့် မိုးမောက်မြို့နယ်ပေါ့။ ဖြစ်ပွားမှုနှုန်းက တစ်ထောင်ကျော်နေတုန်းဘဲ၊ ကျွန်တော်တို့ဆီက စာရင်းတွေပဲ တော့ မဟုတ်ဘူးပေါ့နော်။ ငှက်ဖျားရောဂါကို တိုက်ဖျက်နေတဲ့ အဖွဲ့အစည်းပေါင်းစုံက အချက်အလက်တွေအရ ဝိုင်းမော်နှင့်မိုးမောက်က မြို့နယ်အလိုက်ဖြစ်ပွားမှု အမြင့်ဆုံးဖြစ်တယ်”ဟု ဒေါက်တာဇော်ရန်က ပြောသည်။
ပြည်သူ့ကျန်းမာရေးဦးစီးဌာနနှင့် ပြည်တွင်း/ပြည်ပ အဖွဲ့အစည်းများ၏ ပူးပေါင်းဆောင်ရွက်မှုများကြောင့် ကချင်ပြည်နယ်၏ ငှက်ဖျားရောဂါဖြစ်ပွားမှုနှုန်းမှာ တစ်နှစ်ထက်တစ်နှစ်ပိုမို ကျဆင်းလျက်ရှိနေပြီး ၂၀၁၂ခုနှစ်တွင် ၅၇၀၀၀ဦးကျော်၊၂၀၁၃ခုနှစ်တွင် ၄၂၀၀၀ဦးကျော်၊၂၀၁၄ခုနှစ်တွင် ၂၄၀၀၀ဦးကျော်၊၂၀၁၅ခုနှစ်တွင် ၁၉၀၀၀ဦးကျော်၊ ၂၀၁၆ခုနှစ်တွင် ၁၁၀၀၀ဦးကျော်၊ ၂၀၁၇ခုနှစ်တွင် ၇၀၀၀ဦးကျော်အထိ လျော့နည်းလာပြီး ၂၀၁၈ခုနှစ်တွင် ၄၀၀၀ဦးကျော်အထိ လျော့နည်းကျဆင်းသွားကြောင်း သိရသည်။
လွမ်းအောင်
