မံစီမြို့နယ်၌ အခြေခံပညာ မူလတန်းအဆင့် (မြို့နယ်အဆင့်) ဘာသာရပ် မွမ်းမံစွမ်းရည်မြှင့် ဆွေးနွေးပွဲ ကျင်းပ
EPN
မံစီ၊ မတ် ၂၈
ကချင်ပြည်နယ်၊ ဗန်းမော်ခရိုင်၊ မံစီမြို့နယ် အခြေခံပညာ အထက်တန်းကျောင်း (မံစီ) ဖုန်ကန်ဒူဝါ ခန်းမဆောင်၌ မတ် ၂၈ ရက် နံနက် ၉ နာရီက အခြေခံပညာ မူလတန်းအဆင့် (မြို့နယ်အဆင့်) ဘာသာရပ် မွမ်းမံစွမ်းရည်မြှင့်ဆွေးနွေးပွဲ ဖွင့်ပွဲ အခမ်းအနား ကျင်းပခဲ့သည်။
အခမ်းအနားတွင် မြို့နယ်စီမံအုပ်ချုပ်ရေးအဖွဲ့ဥက္ကဌ မြို့နယ်အုပ်ချုပ်ရေးမှူးက အဖွင့်အမှာစကား ပြောကြားခဲ့ပြီး ခရိုင်ပညာရေးမှူးရုံးမှ လက်ထောက်ညွှန်ကြားရေးမှူး နှင့် မြို့နယ်ပညာရေးမှူး တို့က ဆွေးနွေးပွဲပြုလုပ်ရသည့် အကြောင်းကို ရှင်းလင်းဆွေးနွေး ခဲ့ကြသည်။
ဆက်လက်၍ မြို့နယ်ပညာရေးမှူးရုံးမှ ဦးစီးအရာရှိ က ဆွေးနွေးပွဲ စည်းမျဉ်းစည်းကမ်းများကို ရှင်းလင်းပြောကြားခဲ့သည်။
အဆိုပါ ဘာသာရပ် မွမ်းမံစွမ်းရည်မြှင့်ဆွေးနွေးပွဲတွင် အခြေခံပညာမူလတန်းကျောင်းအုပ် များနှင့် အခြေခံပညာမူလတန်းအဆင့်သင်ကြားနေသည့် ဆရာဆရာမများ စုစုပေါင်း (၃၇၅)ဦး တက်ရောက်ပြီး မတ်လ ၃၁ ရက်နေ့အထိ ဆရာ ဆရာမ (၁၂)ဦးက ဦးဆောင်၍ ဆွေးနွေးကျင်းပ သွားမည် ဖြစ်ကြောင်း သိရသည်။
ဗန်းမော်သုခမိန်