ကချင်ပြည်နယ်၌ ဧပြီလအတွင်း မီးလောင်မှု ၁၃ ကြိမ် အထိ ဖြစ်ပွားခဲ့

ကချင်ပြည်နယ်၌ ဧပြီလအတွင်း မီး​လောင်မှု (၁၃) ကြိမ်အထိ ဖြစ်ပွားခဲ့ကြောင်း ပြည်နယ် မီးသတ်ဦးစီးဌာနမှ သိရသည်။

ပြည်နယ် မီးသတ်ဦးစီးဌာနမှူးရုံး၏ စာရင်းများအရ မြစ်ကြီးနားခရိုင်တွင် ( ၃)ကြိမ်၊ ဗန်းမော်ခရိုင်တွင် ( ၃)ကြိမ်၊ ပူတာအိုခရိုင်တွင် (၁ )ကြိမ်နှင့် မိုးညှင်းခရိုင်တွင် (၆)ကြိမ် စုစုပေါင်း (၁၃) ကြိမ်အထိ ဖြစ်ပွားခဲ့ကြောင်းသိရသည်။

ယင်းမီးလောင်မှုများကြောင့် လူနေအိမ် (၁၅)လုံးအထိ ဆုံးရှူံးခဲ့​ပြီး မီးလောင်မှုဖြစ်စဥ်တွင် မီးဖိုမီးကြောင့် သုံးကြိမ်၊ ပေါ့ဆမီးကြောင့် လေးကြိမ်၊ လျှပ်စစ်မီးကြောင့် လေးကြိမ်၊ ရှိ့မီးကြောင့် တစ်ကြိမ်၊ တောမီးကြောင့် တစ်ကြိမ်ဖြစ်ပွားခဲ့ကြောင်း သိရသည်။

ထို့အပြင် ယင်းမီးလောင်မှုများကြောင့် တိရိစ္ဆာန် အကောင်ရေ (၅၀၀) သေဆုံးခဲ့ပြီး စုစုပေါင်းဆုံးရှူံးမှု တန်ဖိုး ငွေကျပ်သိန်း (၂၃၇၆၄၀၀၀) ဆုံးရှူံးခဲ့ကြောင်း ပြည်နယ်မီးသတ် ဦးစီးဌာနမှူးရုံးမှ သိရသည်။

လွမ်းအောင်