မုိးညႇင္းၿမိဳ႕နယ္အတြင္း ရဟန္းသံဃာအတုမ်ား ေတြ႕ရိွပါက အေရးယူမည္

မိုးညှင်းမြို့နယ်အတွင်း ရဟန်းအတုများ တွေ့ရှိပါက အရေးယူမည်

EPN
မိုးညှင်း၊ ဧပြီ ၁၀

မိုးညှင်းခရိုင်၊ မိုးညှင်းမြို့ ဘူတာကြီးနှင့် ဈေးများ၊ လမ်းကြိုလမ်းကြားတို့တွင် လ့ည်လည်၍ သင်္ကန်းဝတ်ရုံခြုံကာ အထောက်အထားမဲ့ လှည့်လည်အလှူခံခြင်း၊ အရက်သေစာ၊ မူးယစ်ဆေးဝါးသုံးခြင်း၊ သံဃာကျင့်ဝတ်နှင့် မလျော်ကန်အောင် ပြုမူပြောဆိုခြင်း ရှိသော ရဟန်း အတုများကို တွေ့ရှိပါက အရေးယူဆောင်ရွက်သွား မည်ဖြစ်ကြောင်း သိရသည်။

အဆိုပါ ရဟန်း အတုများကို တွေ့ရှိပါက သာသနာပိုင်များ၏ ဆုံးဖြတ်ချက်များ၊ မိုးညှင်းဒေသခံများ၏ အကူအညီများ၊ သာသနာရေးဝန်ကြီးဌာန၏ အမိန့် လမ်းညွှန်ချက်များရယူပြီး သိက္ခာချ လူဝတ်လဲခြင်းပြူလုပ်ပြီး အရေးယူဆောင်ရွက်ခြင်း၊ မူလနေထိုင်သောနေရာမှ ရှင်းလင်းဖယ်ရှားခြင်းပြုလုပ်သွားမည်ဟု မြို့နယ်အုပ်ချူပ်ရေးမှူး ဦးရဲအောင်က ဧပြီ(၉)ရက်နေ့က ပြောကြားခဲ့သည်။

“ကျနော်တို့အနေနဲ့ကတော့ ပြည်သူတွေပူးပေါင်းပါဝင်အသိပေးမူ့ရှိရင် သိတာကြားတာနဲ့ ချက်ခြင်းစစ်ဆေးလို့ရတာပေါ့။ ကျနော်တို့ဆိုတာထက် သာသနာရေးဝန်ကြီးဌာန၏ အမိန့် လမ်းညွှန်ချက်များရယူပြီး သိက္ခာ ချ လူဝတ်လဲခြင်းပြူလုပ် ပြီး အရေးယူဆောင်ရွက်ခြင်း၊ မူလနေထိုင်သောနေရာမှ ရှင်းလင်းဖယ်ရှားခြင်းပြုလုပ်သွာမယ်”ဟု မြို့နယ်အုပ်ချူပ်ရေးမှူးက ဦးရဲအောင်က ပြောသည်။

အဆိုပါ ရဟန်းကျင့်ဝတ်နှင့် မညီညွတ်သူများကိုတွေ့ရှိပါက ပြည်သူများမှလည်း ပူးပေါင်းဆောင်ရွက်စေချင်ကြောင်းနှင့် မီးရထား၊ ကားနှင့် မော်တော်ဆိုင်ကယ်ပေါ်တွင် လည်းကောင်း၊ အများသူငှါသွားရာလမ်းဖြစ်သော ဈေးများတွင် လှည့်လည်အလှူခံရာတွင် သက်ဆိုင်ရာ ကျောင်းတိုက်အမည်နှင့် မြို့နယ်ထောက်ခံချက် တို့မပါရှိဘဲ လှည့်လည်အလှူခံခြင်း၊ သင်္ကန်းဝတ်ရုံခြုံ ၍ ရဟန်းကျင့်ဝတ်နှင့်မဆီလျော်သော အရက်သေစာ သောက်စားခြင်း၊နှင့်မူးယစ်ဆေးဝါး သုံးစွဲခြင်းတို့ကို တွေ့ရှိပါက သက်ဆိုင်ရာမြို့နယ်သံဃာနာယကအဖွဲ့၊ မြို့နယ်အုပ်ချုပ်ရေးမှူးရုံး၊ ရပ်ကွက်ရုံးနှင့်ရဲစခန်းအသီးသီးသို့ သတင်းပေးတိုင်ကြားနိူင်ကြောင်း သိရသည်။

 “ကျနော်တို့နန်းမားမှာ ဧပြီ(၄)ရက်နေ့က မူးယစ်ဆေးသုံးစွဲထားတဲ့ ရဟန်းတစ်ပါး နန်းမားမြို့ထဲ လှည်လည်အလှူခံနေတာ တွေ့တဲ့ အတွက် ရပ်ကွက်ရုံးမှခေါ်ယူစစ်ဆေးပြီး သိက္ခာချ လူဝတ်လဲစေပြီး သူ့နေရပ်ကပြန်လွှတ်ပေးလိုက်ပါတယ်။ နောက်ထပ်မလုပ်အောင် အတွက်လည်း ထပ်မံသတိပေးတာတွေ ခံဝန်လက်မှတ်ထိုးခိုင်းတာတွေ လုပ်ပြီး မိုးညှင်းမြို့နယ်အုပ်ချူပ်ရေးမှူးထံသို့ အသိပေး အပ်နှံခြင်းပြုလုပ်ခဲ့ကြောင်း နန်းမားမြို့မှ ကိုသောင်းဉာဏ်က ပြောသည်။

မိုးမြင့်