မိုးညှင်းမြို့နယ် မော်ဟန်ဒေသတွင် မူးယစ်ဆေးဝါးများ ဖမ်းဆီးရမိ

ကချင်ပြည်နယ်၊ မိုးညှင်းမြို့နယ်၊ မော်ဟန်ဒေသ၊ နန့်မချီကျောက်စိမ်းမှော်ဘက်မှ ဆိုင်ကယ်စီးပြန်လာသည့် အမျိုးသားတစ်ဦးထံမှ မူးယစ်ဆေးဝါးများ ရှာဖွေတွေ့ရှိခဲ့သဖြင့် ဥပဒေနှင့်အညီ အရေးယူဆောင်ရွက်ထားကြောင်း သိရသည်။

ဖြစ်စဉ်မှာ ဧပြီလ (၈)ရက်နေ့ မွန်းတည့် (၁၂)နာရီအချိန်တွင် မိုးညှင်းမြို့ မူးယစ်တပ်ဖွဲ့စု (၃)မှ ရဲအုပ်နေလင်းထွန်းနှင့်တပ်ဖွဲ့ဝင်များသည် သက်သေများနှင့်အတူ မူးယစ်ဆေးဝါးသတင်းအရ မော်ဟန်ကျေးရွာနှင့် နမ္မချီကျောက်စိမ်းမှော်သွားလမ်း နတ်စင်ကုန်းအနီး စောင့်ဆိုင်းနေစဉ် နန့်မချီမှော်ဘက်မှ မော်ဟန်ကျေးရွာဘက်သို့ ဝင်းတင့် မောင်းနှင်လာသည့် KENBO-125 နက်/နီရောင်ဆိုင်ကယ်အား ရပ်တန့်ရှာဖွေစစ်ဆေးရာ ဝင်းတင့်ထံမှ GRAND ROYAL စာတန်းပါ ပလစ်စတစ်ကော်ဗူးအတွင်းထည့်လျှက် ဘိန်းဖြူဟု ယူဆရသည့် ဖြူ/ဝါမှုန့် အလေးချိန် (၃.၅)ဂရမ်ပါ (၁)‌ဗူးနှင့် (ဝ.၃) ဂရမ်ပါ (၃)ဗူး၊ စုစုပေါင်းအလေးချိန် (၄.၄)ဂရမ်အား ရှာဖွေတွေ့ရှိဖမ်းဆီးရ
မိသဖြင့် ဥပဒေနှင့်အညီ သိမ်းဆည်းခဲ့သည်။

့ဖြစ်စဉ်နှင့်ပတ်သက်၍ ဝင်းတင့် (၃၉)နှစ်၊ (ဘ)ဦးအောင်မြိုင်၊ ဟဲနုကျေးရွာ၊ မော်လူးမြို့၊ အင်းတော်မြို့နယ်၊ စစ်ကိုင်းတိုင်းဒေသကြီးတွင် နေထိုင်သူအား မိုးညှင်းမြို့မရဲစခန်းမှ မယ(ပ) ၅၇/၂၀၂၀၊ မူးယစ်ဆေးဝါးဥပဒေပုဒ်မ-၁၉(က) ဖြင့် အမှုဖွင့်အရေးယူ ဆောင်ရွက်ထားကြောင်း သိရသည်။

မင်္ဂလာဦး