ဗန်းမော်မြို့၌ စားသောက်ကုန်ပစ္စည်းများ စျေးနှုန်း သက်သာစွာဖြင့် ရောင်းချပေး
EPN
ဗန်းမော်၊ စက်တင်ဘာ ၁၅ (၂၀၂၃)
ကချင်ပြည်နယ်၊ ဗန်းမော်မြို့၊ ညောင်ပင် ရပ်ကွက်ရှိ ယခင် (အခွန်လွတ်စျေးဟောင်း) နေရာတွင် သက်သာစျေးအဖြစ် စက်တင်ဘာ ၁၄ ရက် နံနက် ၆ နာရီတွင် စားသောက်ကုန်ပစ္စည်းများအား သက်သာသော စျေးနှုန်းဖြင့် ရောင်းချပေးနေကြောင်း သိရသည်။
အခြေခံ စားသောက်ကုန်ပစ္စည်းများဖြစ်သည့် ဆန်၊ စားသုံးဆီ၊ကြက်သားဝက်သား၊ အမဲသား၊ ငါး၊ ခေါက်ဆွဲခြောက် နှင့် ဟင်းသီးဟင်းရွက်များကို ပြင်ပပေါက်စျေးထက် သက်သာစျေးနှုန်းဖြင့် ရောင်းချပေးခဲ့ကြောင်း သိရသည်။
ယင်းသို့ ပြည်သူများအနေဖြင့်စျေးနှုန်းသက်သာစွာ ဝယ်ယူနိုင်ရန်အတွက် စက်တင်ဘာလ ၈ ရက်နေ့မှ စတင်၍ ရောင်းချပေးလျက်ရှိရာ အပတ်စဥ် အင်္ဂါနေ့နှင့် သောကြာနေ့များတွင် ရောင်းချပေးသွားမည်ဖြစ်ကြောင်း မြို့နယ် စည်ပင်သာယာရေး အဖွဲ့ထံမှ သိရသည်။
ဗန်းမော်သုခမိန်