ဖားကန့်မြို့နယ်တွင် ဆိုင်ကယ် ဂွကြားအတွင်း သယ်ဆောင်လာသည့် အမျိုးသားတစ်ဦးထံမှ ကျပ် သိန်း ၂၀၀ နီးပါးတန်ဖိုးရှိ မူးယစ်ဆေးဝါးများ ဖမ်းဆီးရမိ
EPN
မြစ်ကြီးနား၊စက်တင်ဘာ ၁၀
ကချင်ပြည်နယ် ဖားကန့်မြို့နယ် ဆိပ်မူကျေးရွာအနီးတွင် ဆိုင်ကယ် ဂွကြားအတွင်း မူးယစ်ဆေးဝါးများ သယ်ဆောင် မောင်းနှင်လာသူတစ်ဦးကို စက်တင်ဘာလ ၈ ရက်နေ့ က ဖမ်းဆီးရမိခဲ့ကြောင်း ဖားကန့်မြို့မရဲစခန်းထံမှ သိရသည်။
ဖြစ်စဉ်မှာ ဖားကန့်မြို့နယ်၊ ဆိပ်မူကျေးရွာအနီးတွင် ထွန်းအောင်သိန်း စီးနင်းမောင်းနှင်လာသည့် မော်တော်ဆိုင်ကယ်အား မူးယစ်သတင်းအရ ရပ်တန့်စစ်ဆေးရှာဖွေရာ ဆိုင်ကယ်ခွကြားတွင် တင်ဆောင်လာသော ဆာလာအိတ်အတွင်းမှ ပန်းရောင် စိတ်ကြွရူးသွပ်ဆေးပြား ၁၁၄၀၀ ပြား(ဒေသကာလပေါက်ဈေးတန်ဖိုးငွေကျပ် ၁၇၁ သိန်း)နှင့် လက်ကိုင်ဖုန်း ၁ လုံးတို့အား တွေ့ရှိသိမ်းဆည်းရမိခဲ့ခြင်းဖြစ်သည်။
အဆိုပါ မူးယစ်ဆေးဝါးနှင့်ပက်သက်၍ ဦးထွန်းအောင်သိန်း(၅၅)နှစ်အား ဖားကန့် မြို့မရဲစခန်းတွင် မူးယစ်ဆေးဝါးနှင့် စိတ်ကိုပြောင်းလဲစေသောဆေးဝါးများဆိုင်ရာဥပဒေအရ အမှုဖွင့် အရေးယူဆောင်ရွက်လျှက်ရှိကြောင်း သိရသည်။
လင်းယုန်