ပူတာအိုမြို့နယ်၌ ကိုဗစ်-၁၉ရောဂါ ကာကွယ်ရေး အသိပညာပေးပိုစတာများကျေးရွာအရောက် ဖြန့်ဝေ
EPN
ပူတာအို၊ မေ ၅
ကိုဗစ်-၁၉ရောဂါကာကွယ်ရေးအသိပညာပေးပိုစတာများကို UNICEF နှင့်ကျေးလက်ဒေသဖွံ့ဖြိုးတိုး တက်ရေးဦးစီးဌာနတို့ ပူးပေါင်းဆောင်ရွက်ခဲ့ခြင်းဖြစ်ပြီး ယင်းအသိပညာပေးပိုစတာများကို ပူတာအိုမြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာန မြို့နယ်ဦးစီးမှူး ဦးဌေးမြင့် ဦးဆောင်မှုဖြင့် ၀န်ထမ်းများက မြို့ နယ်အတွင်းရှိ မူလာအွန်ကျေးရွာ၊ ဇီအွန်ကျေးရွာ ၊ နောင်ခိုင်ကျေးရွာ ၊ ပင်စင်ကျေးရွာ ၊ ဆာရ်ခွမ်ဒမ်းကျေးရွာတို့ ကိုကွင်းဆင်းဖြန့်ဝေခဲ့ကြသည့်အပြင် မြို့ပေါ်ရပ်ကွက်ရှိ မြို့မယာယီပျံကျစေျးနှင့်လေယာဉ်ကွင်းယာယီပျံကျ စေျးသို့ သွားရောက်ပေးအပ်ရာ သက်ဆိုင်ရာကျေးရွာနှင့်စေျးတာ၀န်ရှိသူများက လက်ခံရယူကြသည်။
အဆိုပါ ကိုဗစ်-၁၉ရောဂါကာကွယ်နိုင်ရေးအသိပညာပေးပိုစတာများကို လူအသွားအလာလှုပ်ရှားမှုများ သောနေရာများနှင့်ကျေးရွာနေပြည်သူများကြည့်ရှုလိုက်နာဆောင်ရွက်နိုင်ရန်အတွက် ကျေးရွာအတွင်း အများ ပြည်သူအလွယ်တကူ ဖတ်ရှုလေ့လာနိုင်သော နေရာများတွင် ပြသထားလျက်ရှိပြီး မြို့နယ်ဦးစီးမှူး ဦးဌေးမြင့်နှင့် ၀န်ထမ်းများက အဆိုပါ ကိုဗစ်-၁၉ရောဂါကာကွယ်နိုင်ရေး အသိပညာပေးပိုစတာများပါ အချက်အလက်များကို ပြည်သူများအားအသိပညာပေးပြောကြားခဲ့ကြောင်း သိရသည်။
ဖုန်ကန်(ပူတာအို)