ဖားကန့် ပြည်ခိုင်ဖြိုးပါတီမှ ဦးဆောင်၍ COVID -19 ကြိုတင်ကာကွယ်ရန်အတွက် ပိုးသတ်ဆေးဖျန်း
EPN
ဖားကန့်၊ မေလ ၁၃
မေလ (၁၁)ရက်နေ့မှစတင်၍ ကာမိုင်းမြို့အတွင်းရှိ၊ရပ်ကွက်(၁)ခုနှင့်၊ ကျေးရွာအုပ်စု (၆)ခု၊ လီဒိုလမ်းဒေသရှိ ကျေးရွာအုပ်စု (၅)ခု စုစုပေါင်း ကျေးရွာအုပ်စု (၁၁)အုပ်စုမှ ကျေးရွာများအား ပိုးသတ်ဆေးဖျန်းခြင်းလုပ်ငန်းများအား လုပ်ကိုင်ဆောင်ရွက်ပေးနေကြောင်း ဖားကန့်ပြည်ခိုင်ဖြိုးပါတီ၏ တာဝန်ရှိသူထံမှ သိရသည်။
”ကျေးရွာနေ ပြည်သူတွေရဲ့တောင်းဆိုချက်တွေအရ COVID-19 ကပ်ရောဂါပိုးအန္တရာယ်အား ကြိုတင်ကာကွယ်ရန်အတွက် တဒေါင့်တနေရာကနေ ဆောင်ရွက်ပေးခဲ့တာပါ၊ တစ်ပါတ်တိတိ ကျေးရွာအုပ်စု (၁၁)ခုက ကျေးရွာတွေကို ဆေးဖြန်းပေးသွားမှာပါ”ဟု မြို့နယ်ပြည်ခိုင်ဖြိုးပါတီ ဥက္ကဌ ဦးအင်ဖရောင်းဂန် ကပြောသည်။
အဆိုပါကျေးရွာများရှိ နေအိမ်များသာမက ဘာသာရေးအဆောက်အဦးများ၊ ရုံးအဆောက်အဦးများ အားလည်း ပိုးသတ်ဆေးဖြန်းခြင်း၊ လက်ဆေးဂျဲလ်များ ပေးဝေခဲ့ကြောင်း ၎င်းမှ ထပ်မံပြောကြားသည်။
ဖားကန့် ပြည်ခိုင်ဖြိုးပါတီသည် ဧပြီလအတွင်းက အဆိုပါ ကျောက်စိမ်းမှော်ဒေသရှိ ကျေးရွာချင်းဆက် လမ်းများအား ပိုးသတ်ဆေးဖျန်းခြင်း၊ အလှူငွေ ပေးအပ်ခြင်းများ ပြုလုပ်ပေးခဲ့ကြောင်း သိရသည်။
သတင်း#နောင်ရိုး
ဓါတ်ပုံ# ဖားကန့်ပြည်ခိုင်ဖြိုးရုံး