မုိးေကာင္းတြင္ မကူးစက္နိုင္ေသာ ေရာဂါမ်ားအေၾကာင္းရွင္းလင္းေဆြးေႏြး

EPN
မိုးကောင်း၊ ဧပြီ ၂၉

ကချင်ပြည်နယ်မိုးကောင်းမြို့ မြို့နယ်ပြည်သူ့ဆေးရုံအစည်းအဝေးခန်းမတွင် ဧပြီ ၂၉ ရက် နံနက်(၁၀)နာရီအချိန်က မြို့နယ်ကျန်းမာရေးဦးစီးဌာနမှ ကြီးမှူး၍ မကူးစက်နိုင်သော ရောဂါများ ကာကွယ်ထိန်းချုပ်ရေး လုပ်ငန်းဆိုင်ရာ အသိပေးရှင်းလင်းတင်ပြခြင်း Package of Essential Non-communicable Disco Interventions (PEN)ကို ကျင်းပပြုလုပ်ခဲ့သည်။

မိုးကောင်းမြို့နယ် ပြည်သူလူထုအတွင်းတွင် မကူးစက်နိုင်သောရောဂါများ၏ ဖြစ်ပွားသေဆုံးမှုအန္တရာယ် ကြီးမားမှုကိုပိုမိုသိရှိပြီးသတိမူလာမိစေရန် မကူးစက်နိုင်သောရောဂါများကို ကာကွယ် ထိန်းချုပ်သော လုပ်ငန်းများကို ကျန်းမာရေးဌာနမှအကောင်အထည်ဖော်ရာတွင် ပြည်နယ်/တိုင်းဒေသကြီးတွင်ရှိသော တာဝန်ရှိသူများနှင့်ပြည်သူများမှ လိုအပ်သောကူညီပံ့ပိုးမှုများပေးနိုင်ရန်နှင့် အရွယ်မတိုင်မီသေဆုံးမှုများ လျော့နည်းကျဆင်းလာစေရန် ရည်ရွယ်၍ ကျင်းပကြောင်းသိရသည်။

“ကျန်းမာရေးနှင့် မညီညွတ်သောအစားအသောက်များ စားသုံးခြင်း၊ကိုယ်ကာယလှုပ်ရှားမှု နည်းပါးခြင်း၊ဆေးလိပ်နှင့်ဆေးရွက်ကြီး သုံးစွဲခြင်းနှင့် အရက်အလွန်အကျွံသောက်သုံးခြင်းတို့ကြောင့်
လူများတွင် သွေးချိုခြင်း၊ သွေးတွင်းအဆီဓါတ်များခြင်း သွေးတိုးခြင်းနှင့် အဝလွန်ကဲခြင်းများ ဖြစ်လာပြီး နောက်ဆုံးတွင် နှလုံးသွေးကြောကျဉ်းရောဂါ ကင်ဆာရောဂါ၊ ဆီးချိုသွေးချို ရောဂါနှင့် နာတာရှည်အဆုတ်ရောဂါများ ဖြစ်ပေါ်ပြီး အရွယ်မတိုင်မီသေဆုံးမှုတွေဖြစ်ပေါ်နေပါတယ်”ဟု မြို့နယ်ကျန်းမာရေးဦးစီးမှူးဆေးရုံအုပ်ကြီး ဒေါက်တာကောင်းမြတ်စံကပြောသည်။

ဆက်လက်၍ တက်ရောက်လာသူများမှသိလိုသည်များကိုမေးမြန်းကြပြီး နမူနာအဖြစ်ယနေ့တက်ရောက်လာသူများအား မြို့နယ်ပြည်သူ့ဆေးရုံဝန်ထမ်းများမှ အရပ်တိုင်းခြင်း ကိုယ်အလေးချိန်ချိန်ပေးခြင်း သွေးပေါင်ချိန်ခြင်း ဆီးချိုသွေးချို ရှိမရှိစမ်းသပ်ပေးကာ ကျန်းမာရေးစောင့်ရှောက်မှုများပေးပြီး ၎င်းတို့ပြုလုပ်မည့်လုပ်ငန်းစဉ်ကိုချပြခဲ့သည်။

ယနေ့ တွေ့ဆုံပွဲသို့ မြို့နယ်အုပ်ချုပ်ရေးမှူ း ရပ်ကျေးအုပ်ချုပ်ရေးမှူ းများ ပညာရေးမှူး သန္တေမီးသတ် ဒုဦးစီးမှူ း ကြက်ခြေနီတပ်ဖွဲ့ ဝင်များ အမျိုးသမီးရေးရာအဖွဲ့များ မိခင်နှင့်ကလေးစောင့်ရှောက်ရေးဝန်ထမ်းများ ကျန်းမာရေးဝန်ထမ်းများ ဖိတ်ကြားထားသူများ အင်အား (၁၁၀)ဦးကျော်တက်ရောက်ကြောင်းသိရသည်။

ကမ္ဘာ့ကျန်းမာရေးအဖွဲ့ကြီး၏ ၂၀၁၈ခုနှစ်၊ ဇွန်လက ထုတ်ပြန်တဲ့ စာရင်းဇယားအရ ကမ္ဘာပေါ်မှာမကူးစက်နိုင်သောရောဂါတွေကြောင့်သေဆုံးသည့် လူပေါင်း တစ်နှစ်မှာ(၄၁) သန်းခန့်ရှိပြီး ၎င်းအရေအတွက်သည် ငှက်ဖျားရောဂါ၊တီဘီရောဂါနဲ့ အိပ်ခ်ျအိုင်ဗွီ/ အေအိုင်ဒီအက်စ် စတဲ့ ကူးစက်တတ်သော ရောဂါများ ကြောင့်သေဆုံးတာထက် ပိုမိုမြင့်မားနေကြောင်း ယင်းဆွေးနွေးပွဲမှ သိရသည်။

ချိုမောင်