ကားဘီးေပါက္ရာမွလမ္းေဘးေရေျမာင္းအတြင္းထိုးက်တိမ္းေမွာက္မႈျဖစ္ပြား
EPN
ဟိုပင္၊ မတ္ ၂၇
ကခ်င္ျပည္နယ္၊ ဟိုပင္ၿမိဳ႕၊ ၾကာႀကီးကြင္းေက်း႐ြာအုပ္စု ငါးမိုင္ေက်း႐ြာ၊ ျမစ္ႀကီးနား-မိုးေကာင္း-ဟိုပင္သြား ျပည္ေထာင္စုလမ္းမႀကီးေပၚတြင္ယေန႔ မတ္(၂၇)ရက္၊ ေန႔လည္(၂)နာရီခြဲအခ်ိန္ခန္႔က လိုက္ထရပ္ေမာ္ေတာ္ယာဥ္တစ္စီး ကားဘီးေပါက္ရာမွလမ္းေဘးေရေျမာင္းအတြင္းထိုးက်တိမ္းေမွာက္မႈျဖစ္ပြားခဲ့ေၾကာင္းဟိုပင္နယ္ေျမရဲစခန္းမွသိရသည္။
ျဖစ္စဥ္မွာ ဟိုပင္ၿမိဳ႕၊ ငါးမိုင္ေက်း႐ြာ ၊ ျမစ္ႀကီးနား-မိုးေကာင္း-ဟိုပင္သြား ျပည္ေထာင္စုလမ္းမႀကီးေပၚမိုင္တိုင္အမွတ္၃၄၄ႏွင့္၃၄၅ၾကား တြင္ဝိုင္းေမာ္ၿမိဳ႕မွ ဟိုပင္ၿမိဳ႕ဘက္သို႔ ယာဥ္ေမာင္း စိုင္းျမတ္ေအာင္ေမာင္းႏွင္ၿပီးခရီးသည္(၁၅)ဦးလိုက္ပါလာသည့္မာဇဒါလိုက္ထရပ္အျဖဴေရာင္ ကိုယ္ပိုင္ယာဥ္(လိုင္စင္ရွိ)သည္ ဝဲဘက္ေရွ႕ဘီးေပါက္ကာ ဝဲဘက္ယိုင္သြားစဥ္ မ်က္ႏွာခ်င္းဆိုင္မွေမာင္းႏွင္လာေသာကားအားတိမ္းေရွာင္ရာ လမ္း၏ယာဘက္(၇)ေပခန္႔အကြာ အနက္(၂)ေပခန္႔ရွိ ေရေျမာင္းအတြင္းသို႔ထိုးက်တိမ္းေမွာက္ခဲ့ေၾကာင္းသိရသည္။
ယာဥ္တိမ္ေမာက္မႈေၾကာင့္ ယာဥ္ေမာင္းပါ(၁၆)ဦးအနက္ က်ား(၅)ဦး၊ မ(၉)ဦး၊ စုစုေပါင္း(၁၄)ဦး ဒဏ္ရာအသီးသီးရရွိခဲ့သျဖင့္ဟိုပင္ျပည္သူ႔ေဆးရံုသို႔ရဲေဆးစာျဖင့္ပို႔ေဆာင္ေပးခဲ့ေၾကာင္းသိရသည္။
ဒဏ္ရာရရွိသူမ်ားထဲမွ မဆာရီ၊ အသက္(၂၀)ႏွစ္သည္ (ႏွာေခါင္းညိဳ/ပြန္းပဲ့၊ ဝဲလက္ဖမိုးပြန္းပဲ့၊ ခါးေနာက္ေၾကာပြန္းပဲ့၊ သတိမရ၊(စိုးရိမ္ရ) ႏွင့္ ေမာင္လြမ္းဇယ္၊ အသက္(၁၆)ႏွစ္၊ ယာနဖူးညိဳမဲဒဏ္ရာ၊ ဝဲေနာက္စ့ဖူးေရာင္ဒဏ္ရာ၊( စိုရိမ္ရ)ဒဏ္ရာရရွိခဲ့ၿပီးက်န္သူမ်ားစိုရိမ္ရအေျခအေနမရွိေၾကာင္းရဲမွတ္တမ္းအရသိရသည္။
ယင္းျဖစ္စဥ္ႏွင့္ပတ္သက္ၿပီး စိုင္းျမတ္ေအာင္၊ အသက္(၂၆)ႏွစ္၊ (ဘ)ဦးဝဏၰ၊ ျမေဇယ်ာရပ္ကြက္၊ ဟိုပင္ၿမိဳ႕ေနသူကို ယာဥ္(ပ)၄/၂၀၁၉၊ ရာဇသတ္ႀကီးပုဒ္မ၂၇၉/၃၃၇/၃၃၈ျဖင့္ဟိုပင္နယ္ေျမရဲစခန္မွအမႈဖြင့္ေဆာင္႐ြက္ထားေၾကာင္းသိရသည္။
ခ်စ္သား
———————————————–
ကားဘီးပေါက်ရာမှလမ်းဘေးရေမြောင်းအတွင်းထိုးကျတိမ်းမှောက်မှုဖြစ်ပွား
EPN
ဟိုပင်၊ မတ် ၂၇
ကချင်ပြည်နယ်၊ ဟိုပင်မြို့၊ ကြာကြီးကွင်းကျေးရွာအုပ်စု ငါးမိုင်ကျေးရွာ၊ မြစ်ကြီးနား-မိုးကောင်း-ဟိုပင်သွား ပြည်ထောင်စုလမ်းမကြီးပေါ်တွင်ယနေ့ မတ်(၂၇)ရက်၊ နေ့လည်(၂)နာရီခွဲအချိန်ခန့်က လိုက်ထရပ်မော်တော်ယာဉ်တစ်စီး ကားဘီးပေါက်ရာမှလမ်းဘေးရေမြောင်းအတွင်းထိုးကျတိမ်းမှောက်မှုဖြစ်ပွားခဲ့ကြောင်းဟိုပင်နယ်မြေရဲစခန်းမှသိရသည်။
ဖြစ်စဉ်မှာ ဟိုပင်မြို့၊ ငါးမိုင်ကျေးရွာ ၊ မြစ်ကြီးနား-မိုးကောင်း-ဟိုပင်သွား ပြည်ထောင်စုလမ်းမကြီးပေါ်မိုင်တိုင်အမှတ်၃၄၄နှင့်၃၄၅ကြား တွင်ဝိုင်းမော်မြို့မှ ဟိုပင်မြို့ဘက်သို့ ယာဉ်မောင်း စိုင်းမြတ်အောင်မောင်းနှင်ပြီးခရီးသည်(၁၅)ဦးလိုက်ပါလာသည့်မာဇဒါလိုက်ထရပ်အဖြူရောင် ကိုယ်ပိုင်ယာဉ်(လိုင်စင်ရှိ)သည် ဝဲဘက်ရှေ့ဘီးပေါက်ကာ ဝဲဘက်ယိုင်သွားစဉ် မျက်နှာချင်းဆိုင်မှမောင်းနှင်လာသောကားအားတိမ်းရှောင်ရာ လမ်း၏ယာဘက်(၇)ပေခန့်အကွာ အနက်(၂)ပေခန့်ရှိ ရေမြောင်းအတွင်းသို့ထိုးကျတိမ်းမှောက်ခဲ့ကြောင်းသိရသည်။
ယာဉ်တိမ်မောက်မှုကြောင့် ယာဉ်မောင်းပါ(၁၆)ဦးအနက် ကျား(၅)ဦး၊ မ(၉)ဦး၊ စုစုပေါင်း(၁၄)ဦး ဒဏ်ရာအသီးသီးရရှိခဲ့သဖြင့်ဟိုပင်ပြည်သူ့ဆေးရုံသို့ရဲဆေးစာဖြင့်ပို့ဆောင်ပေးခဲ့ကြောင်းသိရသည်။
ဒဏ်ရာရရှိသူများထဲမှ မဆာရီ၊ အသက်(၂၀)နှစ်သည် (နှာခေါင်းညို/ပွန်းပဲ့၊ ဝဲလက်ဖမိုးပွန်းပဲ့၊ ခါးနောက်ကြောပွန်းပဲ့၊ သတိမရ၊(စိုးရိမ်ရ) နှင့် မောင်လွမ်းဇယ်၊ အသက်(၁၆)နှစ်၊ ယာနဖူးညိုမဲဒဏ်ရာ၊ ဝဲနောက်စ့ဖူးရောင်ဒဏ်ရာ၊( စိုရိမ်ရ)ဒဏ်ရာရရှိခဲ့ပြီးကျန်သူများစိုရိမ်ရအခြေအနေမရှိကြောင်းရဲမှတ်တမ်းအရသိရသည်။
ယင်းဖြစ်စဉ်နှင့်ပတ်သက်ပြီး စိုင်းမြတ်အောင်၊ အသက်(၂၆)နှစ်၊ (ဘ)ဦးဝဏ္ဏ၊ မြဇေယျာရပ်ကွက်၊ ဟိုပင်မြို့နေသူကို ယာဉ်(ပ)၄/၂၀၁၉၊ ရာဇသတ်ကြီးပုဒ်မ၂၇၉/၃၃၇/၃၃၈ဖြင့်ဟိုပင်နယ်မြေရဲစခန်မှအမှုဖွင့်ဆောင်ရွက်ထားကြောင်းသိရသည်။
ချစ်သား