ဆူညံ့သောအိပ်ဇောများနှင့် အင်္ဂါမစုံသောဆိုင်ကယ်များ စီးနင်းသူများကို အသိပညာပေး
EPN
ဟိုပင်၊ ဇန်နဝါရီ ၁၂
ဟိုပင်မြို့တွင် ယာဉ်မတော်တဆမှုများ မဖြစ်ပွားစေရန်နှင့် အသက်ဆုံးရှုံးမှုများ မဖြစ်ပေါ်စေရန်အတွက် အင်္ဂါမစုံသောဆိုင်ကယ်များကို စီးသူများနှင့် ယာဉ်စည်းကမ်းမလိုက်နာသည့်ခရီးသည်တင်ယာဉ်များကို ရွေ့လျားအဖွဲ့ဖြင့် စောင့်ကြည့်ကာ အသိပညာပေးခြင်းများပြုလုပ်ခဲ့ကြောင်းသိရသည်။
အဆိုပါ အသိပညာပေးခြင်းကို ဟိုပင်မြို့၊ အထကကျောင်းရှေ့၊ မြဇေယျာအလကကျောင်းရှေ့နှင့်ပြည်သူ့အားကစားကွင်းအနီးတွင်ပြုလုပ်ခဲ့ကြသည်။
မိုးညှင်းခရိုင်အတွင်း ယာဉ်မတော်ဆမှုများနှင့် အသက်ဆုံးရှုံးမှုများမဖြစ်ပွားစေရန် ဆူညံ့သောအိပ်ဇောများနှင့်အင်္ဂါမစုံသောဆိုင်ကယ်စီးသူများကို mobil team ရွေ့လျားအဖွဲ့များဖြင့် အသိပညာပေးခြင်းကို ကချင်ပြည်နယ် ရဲတပ်ဖွဲ့မှူး ရဲမှူးကြီးထက်လွင်နှင့်မိုးညှင်းခရိုင် ရဲတပ်ဖွဲ့မှူး ဒုရဲမှူးကြီး ခန့်ကိုအောင်၏လမ်းညွန်ကြီးကြပ်မှုဖြင့်ပြုလုပ်ဆောင်ရွက်ခဲ့ကြောင်းသိရသည်။
ယင်းအသိပညာပေးခြင်း လုပ်ဆောင်ပြီးနောက် ဆိုင်ကယ်ဦးထုပ်မဆောင်းများ လူနှစ်ဦးထက်ပိုစီးသူများ ဆူညံအောင် အိတ်ဇောဖြုတ်စီးသူများ ပါဝါအိတ်ဇောတပ်စီးသူများ ယာဉ်စီးကမ်းလမ်းစည်းကမ်း မလိုက်နာသူများ မူးယစ်သောက်စားပြီး ယာဉ်မောင်းသူများကို တွေ့ရှိပါက အရေးယူဆောင်ရွက်မည်ဖြစ်ကြောင်း သိရသည်။
မိုးဟိန်း