အိပ်ရေးပျက်ခြင်းက ဦးနှောက်ကျန်းမာရေးနှင့် ဆက်စပ်နေ

EPN

နိုင်ငံတကာ၊ မတ် ၁၇

လူလတ်ပိုင်းအရွယ်တွင် အိပ်ရေးပျက်ခြင်းသည် ဦးနှောက်ကျန်းမာရေးကို အပျက်သဘောဆောင်သည့် သက်ရောက်မှုရှိကြောင်း သြစတြေးလျ အမျိုးသားတက္ကသိုလ် (ANU) မှ သုတေသီများ၏ မကြာသေးမီက လေ့လာမှုတစ်ခုအရ သိရသည်။

ကြာသပတေးနေ့တွင် ထုတ်ပြန်ခဲ့သည့် အဆိုပါလေ့လာမှုသည် အသက် ၃၇ နှစ်မှ ၇၃ နှစ်ကြား လူ ၂၉,၀၀၀ ၏ အိပ်စက်ခြင်းအလေ့အထကို ဆန်းစစ်ခဲ့ကြောင်း ဖော်ပြထားသည်။

တစ်နေ့လျှင် အိပ်ချိန် ခြောက်နာရီထက်နည်းပါက မှတ်ဉာဏ်နည်းပါးလာခြင်းကိုဖြစ်ပေါ်စေနိုင်ပြီး နေ့ခင်းဘက် မူးဝေခြင်းသည် ဦးနှောက်ကျန်းမာရေး ချို့ယွင်းခြင်းနှင့် ဆက်စပ်နေကြောင်း တွေ့ရှိခဲ့သည်။

သုတေသနခေါင်းဆောင် Tergel Namsrai က တွေ့ရှိချက်သည် စိတ်ရောဂါ၊ ရူးသွပ်မှု ကဲသို့ အာရုံကြောဆိုင်ရာရောဂါများကို တိုက်ဖျက်ရန် အခြေခံကို ပံ့ပိုးပေးနိုင်သည်ဟု ပြောကြားခဲ့သည်။

ကမ္ဘာ့ကျန်းမာရေးအဖွဲ့ (WHO) ၏ ခန့်မှန်းချက်အရ ကမ္ဘာတစ်ဝှမ်းရှိ လူ ၅၅ သန်းကျော်သည် လက်ရှိတွင် စိတ်ကျရောဂါရှိနေကြပြီး ၂၀၅၀ ခုနှစ်တွင် သန်း ၁၅၀ အထိ တိုးလာမည်ဟု ခန့်မှန်းထားသည်။

လောလောဆယ်တွင် စိတ်ကျရောဂါအတွက် ကုသဆေးမရှိသေးကြောင်း Namsrai မှ ပြောကြားခဲ့ပြီး အန္တရာယ်ဖြစ်စေသောအချက်များကို ဖော်ထုတ်ရန် ပိုမိုအရေးကြီးကြောင်း ပြောကြားခဲ့သည်။

Ref; xinhua