ကခ်င္​ျပည္​နယ္​သို႔ အင္​းဝ​ေျမဝိုင္​းသဘင္​အဖြဲ႕ လာ​ေရာက္​ေဖ်ာ္ေျဖ

EPN
မိုးညှင်း၊ မတ် ၂၀

မြန်မာ့ရိုးရာယဉ်ကျေးမှုအကအလှများကိုပြည်တွင်း၌သာမက ကမ္ဘာကထိလူကြိုက်များ လျက်ရှိသည့် ပွဲထွက် နတ်အက၊ ဇော်အက၊ မြိုင်ထ၊ ဦးရွှေရိုးနှင့်ဒေါ်မိုးစသည့် အကများကို ဦးစားပေးဖျော်ဖြေသည့် အင်းဝမြေဝိုင်းသဘင်အဖွဲ့သည် ယနေ့နံနက် ၉ နာရီခွဲအချိန်တွင် မိုးညှင်းမြို့ရှိ ရွှေသာလျောင်း ဇာတ်ရုံတွင်အခမဲ့လာရောက်ဖျော်ဖြေကြောင်းသိရသည်။

အဆိုပါအဖွဲ့သည် မြန်မာအကစစ်စစ်များကို တည်တံ့ခိုင်မြဲရန်၊ မြန်မာလူမျိုးများအား မြန်မာအကစစ်စစ်များတတ်ကျွမ်းစေရန်၊ မြန်မာအကစစ်စစ်များ ပြန့်ပွားစေရန်၊ မြန်မာအကနှင့် အခြားနိုင်ငံများမှ ရိုးရာယဉ်ကျေးမှုအကများနှင့် အကဝါသနာသင်ပါသူများအား ကူညီနိူင်ရန်အတွက် ရည်ရွှယ်တည်ထောင်ထားသည့်အဖွဲ့ဖြစ်ကြောင်းသိရသည်။

မြန်မာရိုးရာယဉ်ကျေးမှုအကများကို စိတ်အားထက်သန်ဝါသနာဖြင့်သင်ယူတတ်မြောက်လိုလျှင် ကျွန်တော်များ အင်းဝမြန်မာအကသင်တန်းကျောင်းသို့ လာရောက်သင်ယူနိုင်တယ်။ သင်တန်း ကာလ(၂)နှစ်ဖြစ်ပြီး၊ အစားအစာနဲ့နေထိုင်စရာပေးတယ်။ အင်းဝကျောင်းဆင်းများသည် မြန်မာနိုင်ငံ၏ အကောင်းဆုံး လေ့ကျင့်သင်ကြားပေးထားသည့် အကပညာရှင်များအဖြစ် သင်ကြားပေးထားပြီး သင်တန်းဆင်းလက်မှတ်ဒီပလိုမာရရှိမှာဖြစ်ကြောင်း မန်နေဂျာဦးထွန်းထွန်းက ဆိုသည်။

အင်းဝမြေဝိုင်းသဘင်အကအဖွဲ့သည် မတ်လ ၁၇ ရက်နေ့မှ စတင်ကာ ဟိုပင်၊ နန့်မွန်း၊ မိုးညှင်း၊ မော်ဟန်၊ မော်လူးနှင့် ကသာမြို့တွင် အခမဲ့ဖျော်ဖြေတင်ဆက် ကပြသွားမည် ဖြစ်ကြောင်း အဆိုပါအဖွဲ့ထံမှ သိရသည်။

မြန်မာ့ယဉ်ကျေးမှုရိုးရာအကများကို စိတ်ပါဝင်စားသူမည့်သူမဆို အချိန်တိုအတွင်း ပြည်တွင်း၊ ပြည်ပ၌ဖျော်ဖြေတင်ဆက်လိုသူများအတွက် အင်းဝမြေဝိုင်းသဘင်အဖွဲ့ မန်နေဂျာ ဦးထွန်းထွန်း ၀၉ – ၇၉၇ ၆၂၅၄၉၀၊ ၀၉ – ၄၂၈ ၁၅၃၂၈၇ သို့ ဆက်သွယ်နိုင်ကြောင်းသိရသည်။

အဆိုပါအဖွဲ့သည် ၂၀၁၆ ခုနှစ်တွင် စတင်ထူထောင်ပြီး အာစီယံအဖွဲ့ဝင်နိုင်ငံများနှင့် ချိတ်ဆက်ကာ မြန်မာမှုအနုပညာရိုးရာအကများကို ထိုင်း၊ ဗီယက်နမ်နှင့် စင်္ကာပူနိုင်ငံများသို့ အများဆုံးသွားရောက်ဖျော်ဖြေတင်ဆက်လျှက်ရှိကြောင်း သတင်းရရှိသည်။

မိုးဟိန်း