ကျောက်တံခါးမြို့နယ်၌ ဆေးကုသရန်သွားသည့် သားအမိနှစ်ဦး မိုင်းနင်မိခဲ့ပြီး ပေါက်ကွဲမှုကြောင့် အသက် လေးနှစ်အရွယ်ကလေး ခြေထောက်နှစ်ဖက်ပြတ်၊ မိခင် ဒဏ်ရာရ
EPN
မြစ်ကြီးနား ၊ ဇူလှိုင် ၁၁
ပဲခူးတိုင်းဒေသကြီး ၊ကျောက်တံခါးမြို့နယ်၌ ဇူလှိုင် ၉ရက်နေ့က ဆေးကုရန်သွားသည့် သားအမိ ၂ ဦး အကြမ်းဖက် သ မားများ ထောင်ထားသည့် လက်လုပ်မိုင်းအား နင်းမိကာ ပေါက်ကွဲမှုကြောင့် ၄ နှစ်အရွယ် ကလေးနှင့် မိခင်ဖြစ်သူတို့ အပြင်းအထန် ဒဏ်ရာရရှိခဲ့ကြောင်း ပြန်ကြားရေးဝန်ကြီးဌာန သတင်းထုတ်ပြန်ထားသည်။
ဇူလှိုင် ၉ ရက်နေ့ နံနက် ၇ နာရီ ခွဲအချိန်တွင် ရွှေကျင်မြို့နယ် ၊ ကျွန်းကြီးကျေးရွားနေ မချစ်သက်သက်အောင် (၂၆) နှစ် သည် နေမကောင်းသည့်သား မောင်အောင်ဆန်းလင်း(၄)နှစ်အား ကညင်းကျိုး ကျေးရွာရှိ တိုက်နယ်ဆေးရုံးသို့ ဆေးကုသရန်အတွက် သွားရောက်စဉ် လှေတန်ကျွန်း ကြီးကျေးရွာ ကူးတို့ဆိပ် အနီးအရောက်၌ အကြမ်းဖက်းသမားများထောင်ထားသည့် လက်လုပ်မိုင်းအား နင်းမိကာ ပေါက်ကွဲမှုဖြစ်ပွားခဲ့ကြောင်း သိရသည်။
ပေါက်ကွဲမှုကြောင့် မောင်းအောင်ဆန်းလင်း(၄)နှစ်တွင် ဝဲ/ယာ ခြေထောက်နှစ် ချောင်း ဒူးထောက်မှ ပြတ်ကာ၊ မိခင်ဖြစ်သူ မချစ်သက်သက်အောင်တွင် မျက်နှာ မိုင်းစထိမှန် ဒဏ်ရာများ ရရှိခဲ့ပြီး ကျောက်တံခါးမြို့နယ် ပြည်သူ့ဆေးရုံသို့ပို့ဆောင်ကာ ဆေးကုသမှုခံယူစေခဲ့ ကြောင်းသိရသည်။
အဆိုပါဖြစ်စဉ်နှင့် ပတ်သက်ပြီး ထိခိုက်ဒဏ်ရာရှိသူများအား တာဝန်ရှိသူများမှ လိုအပ်သော ကူညီ ထောက်ပံ့မှုများပေးအပ်ကာ ပဲခူးမြို့ပြည်သူ့ဆေးရုံကြီးသို့ ပြောင်းရွှေ့ဆေးကုသပေးလျက်ရှိကြောင်းနှင့် အကြမ်းဖက်သမားများအား အရေးယူနိုင်ရေး နယ်မြေခံလုံခြုံရေးတပ်ဖွဲ့ဝင်များက ဆောင်ရွက်လျက်ရှိကြောင်း သိရသည်။
လှဆောင်