ဝိုင်းမော်မြို့နယ်တွင် အမျိုးသမီးတစ်ဦးထံမှ ကျပ် သိန်းတစ်ရာနီးပါးတန်ဖိုးရှိ မူးယစ်ဆေးဝါးများ ဖမ်းဆီးရမိ
EPN
မြစ်ကြီးနား၊ သြဂုတ် ၁၈
ဝိုင်းမော်မြို့နယ် ဝူယန်ကျေးရွာအနီး ဝါးရှောင် သွားလမ်းတွင် အမျိုးသမီးတစ်ဦးထံမှ ကျပ်သိန်း တစ်ရာနီးပါးတန် ဖိုးရှိ မူးယစ်ဆေးဝါးများကို ယမန်နေ့ နေ့လယ် ၂ နာရီ ဝန်းကျင်က ဖမ်းဆီးရမိခဲ့ကြောင်း ဝိုင်းမော်မြို့မ ရဲစခန်း ထံမှ သိရသည်။
ဖြစ်စဉ်မှာ ဝိုင်းမော်မြို့နယ်၊ ဝူယန်ကျေးရွာအနီး၊ ဝိုင်းမော်-ဝါးရှောင်သွားကားလမ်းတွင် ဘောမ်ယော် မောင်းနှင်လာသည့် မော်တော် ဆိုင်ကယ်အား မူးယစ်သတင်းအရ ရပ်တန့် စစ်ဆေးရှာဖွေရာ ၎င်းထံမှ ဘိန်းဖြူအလေးချိန် ၁၁၀ ဂရမ် (ဒေသကာလ ပေါက်ဈေး တန်ဖိုးငွေကျပ် ၄၄ သိန်း)၊ စိတ်ကြွရူးသွပ်ဆေးပြား ၂၀၀၀ ပြား(ဒေသကာလပေါက်ဈေး တန်ဖိုးငွေကျပ်သိန်း ၄၀)နှင့် လက်ကိုင်ဖုန်း ၁ လုံးတို့အား တွေ့ရှိ ဖမ်းဆီးရမိခဲ့ခြင်းဖြစ်သည်။
အဆိုပါ မူးယစ်ဆေးဝါးနှင့် ပတ်သက်ပြီး ဘောမ်ယော်၊ (၃၂)နှစ်၊ အား ဝိုင်းမော်မြို့မ ရဲစခန်းတွင် မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးများ ဆိုင်ရာ ဥပဒေအရ အမှုဖွင့် အရေးယူ ထားရှိကြောင်း သိရသည်။
သံလွင်