ဖားကန့် မှော်ဝမ်းကြီးတွင် နေအိမ်ခြံဝန်းတစ်ခုအား မီးလောင်ကျွမ်းမှုဖြစ်ပေါ်
EPN
ဖားကန့်၊ဧပြီ ၁၇
ဖားကန့်မြို့နယ်၊မှော်ဝမ်းရပ်ကွက်၊မှော်ဝမ်းကြီးမှော်ကျေးရွာရှိ နေအိမ်ခြံဝင်းတစ်ခုအား ဧပြီလ (၁၆)ရက် ည (၇း၀၀)နာရီ အချိန်ခန့်က မီး လောင် ကျွမ်းသည့် ဖြစ်စဥ်တစ်ခု ဖြစ်ပေါ်ခဲ့ကြောင်း သိရသည်။
ဖြစ်စဥ်မှာ မှော်ဝမ်းကြီးကျေးရွာနေ ဦးဘရန်အောင်၏ နေအိမ်အောက်ထပ်တွင် အိမ်ခန်းဌားနေထိုင်သော ဦးမာလအိပ်ခန်းမှ မီးစတင်လောင် ကျွမ်းရခြင်းဖြစ်ကြောင်း မှတ်တမ်းများတွင် ဖော်ပြပါရှိသည်။
အဆိုပါ မီးလောင်ကျွမ်းမှုကြောင့် ယင်းနေအိမ်ခြံဝင်းအတွင်း အိမ်ခန်းဌားရန်ဆောက်လုပ်ထားရှိသည့် (၁၈×၁၈)ပေ ပတ်လည် သွပ်မိုး၊ထရံကာပျဥ်ခင်း( ၂ )ထပ် အဆောက်အဦး( ၁ ) လုံး၊( ၂၄×၈ )ပေ ပတ်လည် သွပ်မိုး၊ထရံကာ၊မြေစိုက်(၁)ထပ်အဆောက်အဦး (၁)လုံး၊မီးဖိုဆောင် (၁)ဆောင် မီးလောင်ဆုံးရှုံးခဲ့ပြီး၊ဆုံးရှုံးမှု တန်ဖိုးစုစုပေါင်းမှာ (၁၀၅၀၀၀၀) ကျပ်ဖြစ်ကြောင်း သိရသည်။
အဆိုပါ မီးလောင်မှု ဖြစ်ပွားရာသို့ မြို့နယ်ဌာနဆိုင်ရာအဖွဲ့၊မော်ဝမ်းရပ်ကွက်အုပ်ချုပ်ရေးအဖွဲ့၊ဖားကန့်မြို့မရဲစခန်းမှ ဒုရဲမှူး မင်းဇော် ဦးစီးတပ်ဖွဲ့ဝင်များ၊သန္ဓေ/အရန် မီးသတ်တပ်ဖွဲ့များ၊ကျေးရွာနေပြည်သူများ စုစုပေါင်းအင်အား (၁၅၀)ဦးခန့်မှ မီးသတ်ယာဥ်(၅)စီး၊ရေသယ်ယာဥ်( ၂ )စီးတို့ဖြင့် ဝိုင်းဝန်းငြိမ်းသတ်ခဲ့ရာ ည (၈း၀၀)နာရီအချိန်ခန့်မှာ မီးလုံးဝငြိမ်းသတ်နိုင်ခဲ့ကြောင်း သိရသည်။
အဆိုပါ မီးလောင်မှုကြောင့် ဦးမာလ(၄၃)နှစ်(အိမ်ဌား)အား ပုဒ်မ-၂၈၅ ဖြင့်အမှုဖွင့်အရေးယူရန် စီစဥ်ဆောင်ရွက်နေကြောင်းသိရပြီး၊မီးလောင် ကျွမ်းမှုကြောင့် လူနှင့်တိရစ္ဆာန်များ ထိခိုက်ဒဏ် ရာရရှိသေဆုံးမှုမရှိခဲ့ကြောင်း သိရသည်။
သတင်း#နောင်ရိုး
ဓါတ်ပုံ#ဖားကန့်မြို့နယ် အုပ်ချုပ်ရေးမှူးရုံး