မြန်မာပြည်သူ့ အချစ်တော် MMA ဖိုက်တာကြီး အောင်လအန်ဆန် အမေရိကန်၌ ကိုရိုနာဗိုင်းရပ်စ်ကူးစက်ခံထားရ
EPN
မြစ်ကြီးနား၊ ဇူလိုင် ၃
ယခင်၊ ဇွန်လ ၂၉ ရက်နေ့တွင်ဆေးစစ်ခဲ့ပြီး ယမန်နေ့က ကိုရိုနာဗိုင်းရပ်စ်ပိုး ကူးစက်ခံထားရကြောင်း Positive အဖြေထွက်ရှိခဲ့ခြင်း ဖြစ်သည်။
အောင်လအန်ဆန်သည် ကိုရိုနာဗိုင်းရပ်စ်ကူးစက်ခံရမှု လက္ခဏာများဖြစ်သည့် အဖျားတက်ခြင်း၊ ဝမ်းလျောခြင်း၊ ခန္ဓာကိုယ်ကိုက်ခဲခြင်း၊ အဆီပြန်ခြင်းစသည့် ဝေဒနာများအား ပထမနှစ်ရက်တွင်ခံစားခဲ့ရကြောင်းလည်း ရေးသားဖေါ်ပြထားသည်။
အောင်လအန်ဆန်သည်မြန်မာ့စပါးအုံးဟုလူသိများသည့် ကချင်လူမျိုး လက်ဝှေ့သမားတစ်ဦးဖြစ်ပြီးအမေရိကန်ပြည်ထောင်စုအရှေ့ခြမ်း မေရီလန်းပြည်နယ်ရှိ ဘောလ်တီမိုးမြို့၌ မိသားစုနှင့်အတူ နေထိုင်လျှက်ရှိသည်။
ကိုရိုနာဗိုင်းရပ်စ်ကူးစက်ခံထားရမှုကြောင့် အောင်လအန်ဆန်နှင့် ၎င်း၏မိသားစုဝင်များသည် Quarantine ၁၄ ရက်ဝင်နေပြီး လက်ရှိတွင် ကျန်းမာရေးကောင်းမွန် ကြောင်း သိရသည်။
အောင်လအန်ဆန်နေထိုင်သည့်အမေရိကန်ပြည်ထောင်စု၌ပြီးခဲ့သည့်ဗုဒ္ဓဟူးနေ့တွင်ကိုရိုနာဗိုင်းရပ်စ်ကူးစက်သူ ၅၀၀၀၀ အထိရှိခဲ့ပြီး တစ်ရက်အတွင်း ကူးစက်မှုအများဆုံးဖြစ်ခဲ့ကြောင်း သိရသည်။
Photo -Aung La Nsang(Burmese Python)