တရုတ်ပြည်သို့ ကချင်ပြည်နယ်မှထွက်ရှိသည့် တစ်သျှူးငှက်ပျော တင်ပို့မှု တစ်ရက်လျှင် ကုန်တင်ကားအစီးရေ ၃၅၀ ကျော်ထိရှိလာ
EPN
မြစ်ကြီးနား၊ ဇွန် ၁၅
ကချင်ပြည်နယ်မှထွက်ရှိသည့် တစ်သျှူးငှက်ပျောများကို ကံပိုင်တည် နယ်စပ်ဂိတ်မှ တစ်ဆင့် တရုတ်နိုင်ငံသို့ တင်ပို့လျှက်ရှိရာ ဇွန်လ ၇ ရက်နေ့မှ စတင်ပြီး တစ်ရက်လျှင် အစီးရေ ၃၅၀ ကျော်ထိတင်ပို့လျှက်ရှိကြောင်း မြန်မာ့ကုန်သွယ်မှုဦးစီးဌာနမှ သိရသည်။
“ပြီးခဲ့တဲ့ မေလတုန်းက တစ်ရက်ကို ငှက်ပျော ကားအစီးရေ ၂၅၀ လောက်ပဲ တင်ပို့ခဲ့ရပေမယ့် ဇွန်လ ၇ ရက်နေ့နောက်ပိုင်းမှာ အစီးရေ ၃၅၀ ကျော်ထိရှိလာတာဖြစ်ပါတယ်” ကချင်ပြည်နယ် အဝေးပြေးကုန်စည်ပို့ဆောင်ရေးလုပ်ငန်းများအသင်းမှ အကြံပေး ဒေါ်တူးက ပြောဆိုထားသည်။
လက်ရှိမှာ တစ်သျှူးငှက်ပျောကားများကို ပုံမှန်တင်ပို့လျက်ရှိကြောင်းနှင့် တစ်သျှူးငှက်ပျောများကို ကချင်ပြည်နယ် ဝိုင်းမော်၊ မိုးမောက်၊ ဗန်းမော်မြို့နယ် များတွင် ၂၀၀၆ ခုနှစ်ကတည်းက စတင်စိုက်ပျိုးလာခဲ့ကြပြီး တရုတ်နိုင်ငံသို့ အဓိက တင်ပို့လျက်ရှိကြောင်း သိရသည်။
ဝလုံး