တကွင်း-သဲဂုတ်လမ်းဆုံတွင် စိတ်ကြွဆေးပြားကာလတန်ဖိုးကျပ်သိန်း(၃၀၀)ကျော် ဖမ်းဆီးရမိ
EPN
ဟိုပင်၊ မတ်-၁၂
ကချင်ပြည်နယ်၊ ဟိုပင်မြို့၊ တကွင်း-သဲဂုတ်လမ်းဆုံတွင် ယမန်နေ့ ညနေ(၅)နာရီအချိန်ခန့်က စိတ်ကြွဆေးပြား ကာလတန်ဖိုးကျပ်သိန်း(၃၀၀)ကျော် ဖမ်းဆီးရမိခဲ့ကြောင်း ဟိုပင်နယ်မြေရဲစခန်းမှ သိရသည်။
မိုးညှင်းမူးယစ်တပ်စု(၃)မှ ရဲအုပ် မျိုးမင်းထွန်း ဦးစီးသောရဲတပ်ဖွဲ့ဝင်များ၊ ဟိုပင်နယ်မြေရဲစခန်းမှ နယ်ထိန်း ရဲတပ်ကြပ်ဒီးဒဂုန်တို့သည် သက်သေတို့နှင့်အတူ
မတ်(၁၁)ရက်နေ့၊ ညနေ(၅)နာရီအချိန်ခန့်က မူးယစ်ဆေးဝါးသယ်ဆောင်လာကြောင်း သတင်းရရှိသဖြင့် မိုးညှင်းမြို့နယ်၊ ဟိုပင်မြို့၊ သဲဂုတ်ကျေးရွာနှင့် တကွင်းကျေးရွာလမ်းတွင် စောင့်ဆိုင်းနေခဲ့ကြောင်း သိရသည်။
ထိုသို့စောင့်ဆိုင်းနေစဉ်သဲဂုတ်ကျေးရွာဘက်မှ တကွင်းကျေးရွာဘက်သို့ မင်းသက်နိုင်မောင်းနှင်လာသည့် LOUJIA-125 နက်/နီကြား ဆိုင်ကယ်အား ရပ်တန့်စစ်ဆေးရှာဖွေရာ ၎င်းစီးနှင်လာသည့် ဆိုင်ကယ်ရှေ့ဂွကြားမှ မှိုင်းခံစက္ကူဖြင့်ပတ်လျှက် အပြာရောင်ကပ်ခွာအိတ်ဖြင့်ထည့်ထားသည့် တံဆိပ်မပါ ပန်းရောင်စိတ်ကြွဆေးပြား တစ်ထုတ်လျှင်(၂၀၀)စီထည့်ထားသည့်(၁၀)ထုပ်ပါ(၆)တောင့်၊ ဆေးပြားထုပ်(၆၀)ထုပ်၊ စုစုပေါင်းဆေးပြား(၁၂၀၀၀)ပြား၊ အလေးချိန်(၁.၂)ကီလိုဂရမ်ခန့်၊ မင်းသက်နိုင်အမည်ဖြင့် နိုင်ငံသားစိစစ်ရေးကဒ်ပြားတစ်ခု၊ ဆင်းကဒ်(၂)ခုပါ MIအမျိုးအစားရွှေအိုရောင်လက်ကိုင်ဖုန်းတစ်လုံးတို့ အားရှာဖွေတွေ့ရှိခဲ့ကြောင်း ရဲမှတ်တမ်းအရသိရသည်။
ဆက်လက်ပြီး ပူးပေါင်းအဖွဲ့သည်မင်းသက်နိုင်နေထိုင်ရာ မိုးညှင်းမြို့နယ်၊ ဘီလူးကျေးရွာအုပ်စု၊ ကံသာကုန်းကျေးရွာ(ကသက-၂)နေအိမ်အား မူးယစ်ဆေးဝါးရှာဖွေခွင့် ဝရမ်းအမှတ်(၃၄/၂၀၁၈)ဖြင့် ဝင်ရောက်ရှာဖွေခဲ့သော်လည်း နေအိမ်၌ မူးယစ်ဆေးဝါးတစ်စုံတစ်ရာတွေ့ရှိခြင်း မရှိကြောင်း ရဲမှတ်တမ်းအရ သိရသည်။
အဆိုပါစိတ်ကြွဆေးပြားလက်ဝယ်တွေ့ရှိသူ မင်းသက်နိုင်၊ အသက်(၂၆)နှစ်၊ (ဘ)ဦးဝင်းဦး၊ ကံသာကုန်းကျေးရွာ၊ ဘီလူးမြို့၊ မိုးညှင်းမြို့နယ်နေထိုင်သူကို ရဲအုပ်အောင်ပိုင်မှ တရားလိုပြုလုပ်တိုင်တန်းခဲ့သဖြင့် မယ(ပ)၁၆/၂၀၁၉ မူး/စိတ်ပုဒ်မ၁၉(က)ဖြင့် ဟိုပင်နယ်မြေရဲစခန်းက အမှုဖွင့်ဆောင်ရွက်ခဲ့ကြောင်း သိရသည်။
ချစ်သား