သွေးသစ်ဝင်းလှိုင်က ထွန်းထွန်းမင်းကို အနိုင်ရ
EPN
မြစ်ကြီးနား၊ ဇန်နဝါရီ ၃၀
ဇန်နဝါရီလ ၂၉ ရက်နေ့ က ကျင်းပပြုလုပ်ခဲ့တဲ့ The Greatest Lethwei မြန်မာ့ရိုးရာ လက်ဝှေ့ပြိုင်ပွဲကြီးမှာ သွေးသစ်ဝင်းလှိုင်က ထွန်းထွန်းမင်းကို အနိုင်ရရှိသွားခဲ့ပြီး မြန်မာ့ပြည်ပထမတန်း ချန်ပီယံဆုကို ဆွတ်ခူးသွားခဲ့ပါတယ်။
ရန်ကုန်မြို့မှာ ကျင်းပပြုလုပ်ခဲ့တဲ့ အဆိုပါရိုးရာလက်ဝှေ့ပြိုင်ပွဲကြီးမှာ မြန်မာပြည်ပထမတန်းချန်ပီယံဆု တွဲဆိုင်းဖြစ်တဲ့ ထွန်းထွန်းမင်းနဲ့ သွေးသစ်ဝင်းလှိုင်တို့ရဲ့ပွဲအပါအဝင် တွဲဆိုင်းပေါင်း ၈ တွဲထိုးသတ်ခဲ့ပါတယ်။
၄ ချီမြောက်မှာ သွေးသစ်ဝင်းလှိုင် ရဲ့ ထိုးချက်နဲ့ ထွန်းထွန်းမင်း ဒိုင်အမှတ်စဉ်ရေတွက်တဲ့အထိ နှစ်ကြိမ်တိုင်တိုင် လဲကျသွားခဲ့ပေမဲ့ ပြန်ထလာနိုင်ခဲ့ပြီး ၅ ချီပြည့်အဖြစ်ထိုးသတ်သွားခဲ့ပါတယ်။ ဒါပေမဲ့လည်း သွေးသစ်ဝင်းလှိုင် ကတော့ ဒိုင်တွေရဲ့အဆုံးအဖြတ်နဲ့ ထွန်းထွန်းမင်း ကို အနိုင်ရယူသွားနိုင်ခဲ့တာဖြစ်ပါတယ်။
‘ဒီပွဲကို အနိုင်ရတဲ့သူတိုင်း ကျွန်တော့်ကို စိန်ခေါ်ခွင့်ပေးမယ်။ ရှင်ဘုရင်ဖြစ်ဖို့ ရှင်ဘုရင်ကို အနိုင်ယူရမယ်။ နောက်စိန်ခေါ်မှုအတွက် ကျွန်တော် အဆင်သင့်ဖြစ်နေပါပြီ။ တိုက်ခိုက်ရေးသမား နှစ်ယောက်စလုံး ကံကောင်းပါစေ” လို့ လက်ရှိ World Lethwei ချန်ပီယံ Dave Leduc ကပြောဆိုထားပါတယ်။
ကေကေ