လူနေအိမ်အတွင်းသိုဝှက်ထားသော ဘိန်းဖြူမှုန့်များ ဖမ်းဆီးရမိ
EPN
ရွှေကူ၊ မေ ၁၈
ကချင်ပြည်နယ် ဗန်းမော်ခရိုင် ရွှေကူမြို့နယ် ငါးဘတ်ကြီးကျေးရွာ လူနေအိမ်အတွင်းမှ ဘိန်းဖြုမှုန့်များ ဖမ်းဆီးရမိ ကြောင်း မူးယစ်ဆေးဝါး တားဆီးနှိမ်နှင်းရေးရဲ တပ်ဖွဲ့၊တပ်ဖွဲ့ စု(၁) (ဗန်းမော်) ထံမှသိရသည်။
ယနေ့ မေ ၁၈ ရက် နေ့နံနက၆ နာရီ ခွဲ အချိန် က မူးယစ်ဆေးဝါး သတင်းအရ ရွှေကူမြို့ နယ် ငါးဘတ်ကြီးကျေးရွာ သာပို(ခ)သံခဲ ၏ နေအိမ်ကို မူးယစ်ဆေးဝါး ဖမ်းဆီးခွင့်ဝရမ်ဖြင့် ဝင်ရောက်ရှာဖွေ ခဲ့ကြရာ အိမ်ရှင်၏ ခန္ဓာကိုယ်နှင့် နေအိမ်အတွင်းသို့ ဝင်ရောက် ရှာဖွေ ခဲ့ကြရာ သာပို အိပ်ခန်း အိပ်ယာဘေးနံရံပျဉ် တန်းပေါ်မှအဖုံးပါ ဖန်ပုလင်း ငယ်အတွင်း ထည့်လျှက် ဘိန်းဖြူ ဟုယူဆရသော ဖြူဝါကြားမှုန့် ၀ ဒသမ ၁ ဂရမ် ခန့်အားလည်းကောင်း၊ နေအိမ် ခြံဝင်းခေါင်းရင်းရှိ နွားချေးပုံ အနီးမှ
အကြည်ရောင်ပလပ်စတစ်အိပ်အတွင်း၌ အဖုံးပါ ကော်ဗူး ဖြင့် ထည့်လျှက် ဘိန်းဖြူ ဟုယူဆရသော ဖြူဝါကြားမှုန့် ၁၀ ဂရမ် ခန့်၊စုစုပေါင်းအလေးချိန် ၁၀ ဒသမ ၁ ဂရမ် ၊တို့အား ရှာဖွေတွေ့ရှိ ခဲ့ကြောင်း သိရသည်။
ဖြစ်စဉ်နှင့်ပတ် သက်၍ ရဲအုပ် ဇော်ဦး က တရားလိုပြုလုပ် တိုင်တန်းခဲ့ရာ ရွှေကူမြို့မ ရဲစခန်းက မူး/စိတ် ပုဒ်မအရ အမှု ဖွင့်၍ မူးယစ်ဆေးဝါးလက်ဝယ်ထားရှိသူ သာပို (ခ)သံခဲ ၃၇ နှစ်၊ ငါးဘတ်ကြီးကျေးရွာ နေသူကို ဖမ်းဆီးပြီး စစ်ဆေးအရေးယူဆောင် ရွက်လျှက်ရှိကြောင်း ကနဦးသတင်း ရရှိသည်။
ဗန်းမော်သုခမိန်