ဖားကန့်တွင် ညမထွက်ရ ဒေသန္တရ အမိန့်အား ပြင်ဆင်သတ်မှတ်
EPN
ဖားကန့်၊ မေလ ၁၄
အသက်ရူလမ်းကြောင်းဆိုင်ရာ ရောဂါ Coronavirus Disease( COVID-19) သည် ကမ္ဘာတစ်ဝှမ်းကူးစက်ပျံ့နှံ့ခဲ့ရာ မြန်မာနိုင်ငံတွင်လည်း ကူးစက်ပျံ့ပွားလျှက်ရှိပါသည်။
အဆိုပါ ရောဂါကူးစက်ခံရမှုမရှိစေရေးနှင့် အချိန်မီထိန်းသိမ်းနိုင်ရေးတို့အတွက် အရေးပေါ်ကိစ္စပေါ်ပေါက်ပါက သက်ဆိုင်ရာခွင့်ပြုချက်အရမှအပ မေလ(၁၅)ရက်နေ့မှစ၍ နေ့စဥ် ည(၁၂) နာရီမှ နံနက်(၄း၀၀)အထိ ညမထွက်ရန် အမိန့်ထုတ်ပြန်လိုက်သည်။
အဆိုပါ ညမထွက်ရ ဒေသန္တရအမိန့်သည် အများပြည်သူအကျိုးအတွက် ရည်ရွယ်ထုတ်ပြန်ခြင်းဖြစ်သဖြင့် လိုက်နာရန်ပျက်ကွက်ပါက တည်ဆဲဥပဒေအရ အရေးယူခြင်းခံရမည် ဖြစ်ကြောင်း ယင်းဒေသန္တရအမိန့် ကြေညာချက်တွင်ပါရှိသည်။
ဧပြီလ (၁၈)ရက်နေ့က ညမထွက်ရန် ဒေသန္တရအမိန့်ထုတ်ပြန်ခဲ့ပြီး အဆိုပါကြေညာချက်တွင် ည(၁၀း၀၀)နာရီမှ နံနက် (၄း၀၀)အထိ ညထွက်ခြင်းမပြုရန် ထုတ်ပြန်ခဲ့ရာ၊ ယခု ထပ်မံထုတ်ပြန်ခဲ့သည့် ဒေသန္တရ ညမထွက်ရအမိန့်အရ ယခင်အမိန့်များအား လွှမ်းမိုး ပယ်ဖျက်လိုက်သည်ဟု ယင်းအမိန့်ကြေညာချက်တွင်ဖော်ပြပါရှိသည်။
နောင်ရိုး