ပြည်နယ်ဝန်ကြီးနှင့်အဖွဲ့ ဗန်းမော်မြို့နယ်အတွင်း ကွင်းဆင်းစစ်ဆေး
EPN
ဗန်းမော်၊ ဇွန် ၆
ဆက်လက်၍ ပြည်နယ်ဝန်ကြီး နှင့်အဖွဲ့သည် ညောင်ပင်ရပ်ကွက် အမှတ်(၃) အခြေခံပညာ အထက်တန်းကျောင်းရှေ့လမ်း တွင် မန်းပြည်တံခွန်ကုမ္ပဏီ ကတာဝန်ယူပြုလုပ် လျှက်ရှိသည့် AC လမ်းခင်းခြင်း၊ အုတ်ရေမြောင်း ပြုလုပ်ခြင်းတို့ကိုကြည့်ရှု စစ်ဆေးခဲ့ကြရာ တာဝန်ရှိသူများ က ဆောင်ရွက်နေမှုကို ရှင်းလင်းတင်ပြခဲ့ကြသည်။
“AC ကတ္တရာ လမ်းအရှည်ပေ ၁၃၀၀၊ အကျယ် ၂၂ ပေခွဲ ရှိပြီး လမ်းဘေးဝဲယာတွင် အုတ်ရေ မြောင်းများ ပါဝင်ကြောင်း “ကုမ္ပဏီ ဝန်ထမ်းတစ်ဦး က ပြောသည်။
ထိုနောက် ပြည်နယ်ဝန်ကြီး နှင့်အဖွဲ့သည် မင်းကျောင်းကုန်းရပ်ကွက် ပရနဒီရေကန် (ပရဟိတကန်) မင်းကျောင်းကုန်းနှင့် နောင်ခို ရပ်ကွက် ကားလမ်း Box Culvert ပြုလုပ်ခြင်း တို့ကို ကြည့်ရှုစစ်ဆေး ခဲ့ကြသည်။
“Box Culvert မှာ အရှည်ပေ ၄၀အနံ၊၁၀ ပေ၊အမြင့် ၈ ပေ ရှိတယ်” ဟု တာဝန်ယူဆောက်လုပ်သည့် ကုမ္ပဏီ ဝန်ထမ်းတစ်ဦးက ပြောသည်။
ယင်းနောက်ပြည်နယ် ဝန်ကြီးနှင့် အဖွဲ့သည် ပေါက်ကုန်းရပ်ကွက် ဗန်းမော်-မန်စီလမ်း ၊ ရပ်ကွက်အုပ်ချုပ်ရေးမှူးရုံး အနီးတွင် Box Culvertတည်ဆောက်ပြီး စီးမှုကို ကြည့်ရှုစစ်ဆေးခဲ့ကြသည်။
ထို့အပြင် ၀န်ကြီးနှင့် အဖွဲ့သည် ခရိုင်ကျေးလက်လမ်းဦးစီမှူးရုံး အဆောက်အဦ တည်ဆောက်ခြင်း လုပ်ငန်း၊ ဗန်းမော်မြို့ NLD ရုံး တည်ဆောက်ခြင်းလုပ်ငန်းများကို စစ်ဆေးကြည့် ရှုစစ်ဆေးခဲ့ပြီး ပြည်နယ်ဝန်ကြီးက လိုအပ်သည်များကို လမ်းညွှန်မှာကြားခဲ့ကြောင်း သိရသည်။
ဗန်းမော်သုခမိန်