နယူးဇီလန်နိုင်ငံတွင် ငါးရက်ဆက်တိုက် ကိုဗစ်-၁၉ ကူးစက်မှုသစ် မရှိ

ငါးရက်ဆက်တိုက် ကိုရိုနာဗိုင်းရပ်စ် ကူးစက်မှုသစ်မရှိဟု နယူးဇီလန်နိုင်ငံက ကြေညာခဲ့ကြောင်း ကျန်းမာရေးဝန်ကြီးဌာန၏ ထုတ်ပြန်ချက်အရ သိရသည်။

ကမ္ဘာ့ကျန်းမာရေးအဖွဲ့သို့ အကြောင်းကြားခဲ့သည့် စုစုပေါင်း အတည်ပြုကူးစက်မှု အရေအတွက်မှာ ၁၁၅၄ မှုဖြစ်ကြောင်း အဆိုပါထုတ်ပြန်ချက်က ဆိုသည်။

ကိုရိုနာဗိုင်းရပ်စ် ရောဂါကင်းစင်သူ အရေအတွက်မှာ ၁၄၆၂ ဦးအထိ ရောက်ရှိလာခဲ့ပြီး ရောဂါပိုးရှိသူ ၂၁ ဦးရှိကြောင်း၊ မေလ ၆ ရက်နောက်ပိုင်း နယူးဇီလန်နိုင်ငံတွင် သေဆုံးသူ ၂၁ ဦးရှိကြောင်း ဝန်ကြီးဌာနက ပြော သည်။

လက်ရှိတွင် နယူးဇီလန်နိုင်ငံ၌ ကိုဗစ်-၁၉ ရောဂါအတွက် ဆေးရုံအဆင့် စောင့်ရှောက်မှုခံယူသူ မရှိတော ့ကြောင်း ဝန်ကြီးဌာနက ဆိုသည်။ NZ COVID Tracer အပလီကေးရှင်းကို မှတ်ပုံတင်သူ ၄၂၂၀၀၀ အထိရှိလာခဲ့ပြီး ယမန်နေ့ကထက် မှတ်ပုံတင်သူ ၁၇၀၀၀ တိုးလာခြင်းဖြစ်သည်။

“ကိုဗစ်-၁၉ ရောဂါ ဖော်ထုတ်တာ၊ ခြေရာခံတာ၊ စမ်းသပ်တာနဲ့ သီးသန့်ခွဲနေတာမှာ အထောက်အပံ့ဖြစ် လို့ ဒီအပလီကေးရှင်းကို ပြည်သူတွေက ဒေါင်းလုပ်ရယူဖို့ အားပေးပါတယ်” ဟု ထုတ်ပြန်ချက်က ဆိုသည်။
ကျန်းမာရေးဝန်ကြီးဌာနက ထုတ်ပြန်ခဲ့သည့် မိုဘိုင်းအပလီကေးရှင်းတစ်ခုဖြစ်သည့် Āwhina က ကျန်း မာရေးလုပ်သားများ ကိုဗစ်-၁၉ ဆိုင်ရာ သတင်းအချက်အလက်များ ရရှိစေရန် အထောက်အကူပြုမည်ဖြစ်သည်။

–ကိုးကား–
ဆင်ဟွာ
Ref; New Zealand confirms no new case of COVID-19 for 5 consecutive days