မရမ်းကုန်းတွင် ကားလမ်းဘေးရှိ အုတ်နံရံ၌ အမျိုးသားတစ်ဦး ကြိုးဆွဲချအဆုံးစီရင်မှု ဖြစ်ပွား
EPN
ရန်ကုန်၊ ဇန်နဝါရီ ၆ (၂၀၂၄)
ရန်ကုန်တိုင်းဒေသကြီး၊ မရမ်းကုန်းမြို့နယ်၊ ကမ္ဘာအေးဘုရားလမ်း ကျောက်တိုင်မှတ်တိုင်အနီးရှိ အုတ်နံရံ၌ ယမန်နေ့ ဇန်နဝါရီလ ၅ ရက်၊ ည ၈နာရီအချိန်တွင် အမျိုးသားတစ်ဦး ကြိုးဆွဲချအဆုံးစီရင်မှု ဖြစ်ပွားခဲ့ကြောင်း သက်ဆိုင်ရာမှ သိရသည်။
အထက်ပါ ဖြစ်စဉ်တွင် သေဆုံးသူအမျိုးသားသည် အသက် ၃၀ နှစ်အရွယ်ခန့်ဖြစ်ပြီး လက်ရှိအချိန်ထိ မိသားစုနှင့် အဆက်အသွယ် မရရှိသေးကြောင်း သက်ဆိုင်ရာ တာဝန်ရှိသူတစ်ဦး
က ပြောသည်။
“ မနေ့က ဖြစ်သွားတာ။ တွေ့တဲ့ဒေသခံတွေက ဆက်သွယ်လာလို့ သွားရောက် စစ်ဆေးထားတယ်။ အမျိုးသားပါ။ အုတ်နံရံမှာ တွေ့တာပါ။ မိသားစုနဲ့လည်း အဆက်အသွယ် မရသေးပါဘူး ” ဟု ၎င်းကပြောသည်။
အဆိုပါ သေဆုံးသူ အမျိုးသား၏ ရုပ်အလောင်းကို Happy Rescue အသင်းက ရန်ကုန်ပြည်သူ့ဆေးရုံကြီးသို့ ပို့ဆောင်ကူညီပေးခဲ့ကြောင်း သိရသည်။
ပြီးခဲ့သည့် ၂၀၂၃ခုနှစ် တစ်နှစ်အတွင်း ရန်ကုန်တိုင်းအတွင်း တံတားပေါ်မှ ခုန်ချခြင်း၊ တိုက်ပေါ်မှ ခုန်ချခြင်း၊ ကြိုးဆွဲချ ခြင်း စသည့် ဖြစ်စဉ်များအပါအဝင် ကိုယ့်ကိုယ်ကို အဆုံးစီရင်ကာ သေဆုံးခဲ့သူ ၅၂ ဦးအထိ ရှိခဲ့ကြောင်း သက်ဆိုင်ရာက သိရသည်။
- အလင်း