ရုရှားက ပိုင်နက်အတွင်း လျှို့ဝှက်ကင်းထောက်လေယာဉ် ပျံသန်းခြင်းမပြုရန် ဗြိတိန်ကို သတိပေး
EPN
နိုင်ငံတကာ၊ သြဂုတ် ၁၇
ရုရှားနိုင်ငံပိုင်နက်အတွင်း လျှို့ဝှက်ကင်းထောက်လေယာဉ် ပျံသန်းခြင်းမပြုရန် ရုရှားကာကွယ်ရေးဝန်ကြီးဌာနက ဗြိတိန်ကို သတိပေးထားပြီး နိုင်ငံ၏လေတပ်အားလည်း ကျူးကျော်ဝင်ရောက်မှုမှ ကာကွယ်ရန် အမိန့်ပေးထားကြောင်း အေပီသတင်းက ဖော်ပြခဲ့သည်။
ပြီးခဲ့သည့် တနင်္လာနေ့က ရုရှားလေပိုင်နက်အတွင်း ဗြိတိန်၏ RC-135 လျှို့ဝှက်ကင်းထောက်လေယာဉ်တစ်စီး ဝင်ရောက်ခြင်းကြောင့် ရုရှားလေတပ်၏ တိုက်လေယာဉ်တစ်စင်းက ကြားဖြတ်ဟန့်တားခဲ့ကြောင်း ရုရှားကာကွယ်ရေးဝန်ကြီးဌာနက ထုတ်ပြန်ထားသည်။
“ဒီလုပ်ရပ်ကို တမင်တကာ ရန်စမှုတစ်ခုအနေနဲ့ ကျွန်တော်တို့ ယူဆပါတယ် အခုအချိန်မှာတော့ ကျူးကျော်ဝင်ရောက်မှုတွေကို ကာကွယ်ဖို့ အမိန့်ပေးထားပြီးဖြစ်ပါတယ်။ ” ဟု ရုရှားကာကွယ်ရေး ဝန်ကြီးဌာနက ပြောကြားသည်။
ရုရှား၏ သတိပေးချက်သည် ယူကရိန်းအရေးနှင့်ပတ်သက်ပြီး ရုရှား နှင့် အနောက်နိုင်ငံတွေကြား တင်းမာမှုတွေရှိနေသည့်ကြားက နောက်ထပ် တင်းမာသည့် ကြေညာချက် ထွက်ပေါ်လာခြင်းဖြစ်သည်။
source – ap