ဖားကန္႔ၿမိဳ႕တြင္ မ႑ပ္ခုနွစ္ခုျဖင့္ ျမန္မာ့ရိုးရာသႀကၤန္ပြဲေတာ္အား က်င္းပျပဳလုပ္မည္
EPN
ဖားကန္႔၊ဧၿပီ ၁၀
ဖားကန္႔ၿမိဳ႕တြင္ မၾကာမီၾကေရာက္ေတာ့မည့္ ျမန္မာ့ရိုးရာအတာသႀကၤန္ပြဲတြင္ ေရကစားမ႑ပ္(၆)ခု၊ေဖ်ာ္ေျဖေရးမ႑ပ္(၁)ခု ပါဝင္က်င္းပျပဳလုပ္သြားမည္ဟု ဖားကန္႔ၿမိဳ႕ရွိ အေထြေထြအုပ္ခ်ဳပ္ေရးဦးစီးဌာနမွသိရသည္။
အဆိုပါၿမိဳ႕ရွိ လြတ္လပ္ေရးေက်ာက္တိုင္ကြင္းတြင္ ဗဟိုမ႑ပ္ရွိမည္ျဖစ္ၿပီး၊ ၿမိဳ႕မရပ္ကြက္တြင္ ေရကစားမ႑ပ္တစ္ခု၊လံုးခင္းေက်းရြာတြင္ ေရကစားမ႑ပ္နွစ္ခုႏွင့္ ဆိပ္မူေက်းရြာအုပ္စုတြင္ ေရကစားမ႑ပ္သံုးခု ပါဝင္ျမင္ျဖစ္ေၾကာင္းသိရသည္။
“ဒီနွစ္ ဗဟိုမ႑ပ္မွာေတာ့ ေရကစားျခင္း မပါဝင္ဘဲ ရပ္ကြက္အသီးသီးမွ ယိမ္းအဖြဲ႔မ်ားမွ လာေရာက္ေဖ်ာ္ေျဖၾကမွာပါ။တျခားေရကစားမ႑ပ္ေတြမွာေတာ့ အနုပညာရွင္ေတြ လာေရာက္ေဖ်ာ္ေျဖၾကမယ္လို႔ ေတာ့ ၾကားေနရပါတယ္”ဟု ဒုအုပ္ခ်ဳပ္ေရးမွဴ း ဦးဖုန္ဂရိန္ ကေျပာသည္။
သႀကၤန္ပြဲေတာ္ကာလတြင္ ဖားကန္႔ၿမိဳ႕အနီးရွိ ေရေအးေခ်ာင္၊ႀကံခတ္သဘာဝလႈ္ိင္ဂူနွင့္ ရြာေဟာင္းေနရာမ်ားတြင္လည္း အမ်ားျပည္သူလာေရာက္မႈမ်ားစြာရွိၿပီး၊ႏွစ္သစ္ကူးနွစ္ဆန္းတစ္ရက္ေန႔တြင္လည္း ဖားကန္႔ၿမိဳ႕ရွိ အသက္(၇၅)နွစ္အထက္ မိဘ၊ အဘိုး၊ အဘြား (၁၅၀)ဦးခန္႔အား သက္ႀကီးပူေဇာ္ကန္ေတာ့ပြဲမ်ား က်င္းပျပဳလုပ္သြားမည္ဟု ၎မွထပ္မံေျပာၾကားသည္။
ေကာဇာသကၠရာဇ္(၁၃၈၁)ခုနွစ္၊ခရစ္နွစ္(၂၀၁၉)ခုႏွစ္ ဧၿပီလ(၁၃)ရက္ေန႔မွ (၁၆)ရက္ေန႔အထိ ျမန္မာ့ရိုးရာနွစ္သစ္ကူးသႀကၤန္ပြဲေတာ္အား ျမန္မာနိုင္ငံတစ္ဝွမ္းရွ္ိ ၿမိဳ႕မ်ား၊ေက်းရြာမ်ားပါမက်န္ က်င္းပျပဳလုပ္မည္ျဖစ္သည္။
ေနာင္႐ုိး
————————————————-
ဖားကန့်မြို့တွင် မဏ္ဍပ်ခုနှစ်ခုဖြင့် မြန်မာ့ရိုးရာသြင်္ကန်ပွဲတော်အား ကျင်းပပြုလုပ်မည်
EPN
ဖားကန့်၊ဧပြီ ၁၀
ဖားကန့်မြို့တွင် မကြာမီကြရောက်တော့မည့် မြန်မာ့ရိုးရာအတာသြင်္ကန်ပွဲတွင် ရေကစားမဏ္ဍပ်(၆)ခု၊ဖျော်ဖြေရေးမဏ္ဍပ်(၁)ခု ပါဝင်ကျင်းပပြုလုပ်သွားမည်ဟု ဖားကန့်မြို့ရှိ အထွေထွေအုပ်ချုပ်ရေးဦးစီးဌာနမှသိရသည်။
အဆိုပါမြို့ရှိ လွတ်လပ်ရေးကျောက်တိုင်ကွင်းတွင် ဗဟိုမဏ္ဍပ်ရှိမည်ဖြစ်ပြီး၊ မြို့မရပ်ကွက်တွင် ရေကစားမဏ္ဍပ်တစ်ခု၊လုံးခင်းကျေးရွာတွင် ရေကစားမဏ္ဍပ်နှစ်ခုနှင့် ဆိပ်မူကျေးရွာအုပ်စုတွင် ရေကစားမဏ္ဍပ်သုံးခု ပါဝင်မြင်ဖြစ်ကြောင်းသိရသည်။
“ဒီနှစ် ဗဟိုမဏ္ဍပ်မှာတော့ ရေကစားခြင်း မပါဝင်ဘဲ ရပ်ကွက်အသီးသီးမှ ယိမ်းအဖွဲ့များမှ လာရောက်ဖျော်ဖြေကြမှာပါ။တခြားရေကစားမဏ္ဍပ်တွေမှာတော့ အနုပညာရှင်တွေ လာရောက်ဖျော်ဖြေကြမယ်လို့ တော့ ကြားနေရပါတယ်”ဟု ဒုအုပ်ချုပ်ရေးမှူ း ဦးဖုန်ဂရိန် ကပြောသည်။
သြင်္ကန်ပွဲတော်ကာလတွင် ဖားကန့်မြို့အနီးရှိ ရေအေးချောင်၊ကြံခတ်သဘာဝလှိုင်ဂူနှင့် ရွာဟောင်းနေရာများတွင်လည်း အများပြည်သူလာရောက်မှုများစွာရှိပြီး၊နှစ်သစ်ကူးနှစ်ဆန်းတစ်ရက်နေ့တွင်လည်း ဖားကန့်မြို့ရှိ အသက်(၇၅)နှစ်အထက် မိဘ၊ အဘိုး၊ အဘွား (၁၅၀)ဦးခန့်အား သက်ကြီးပူဇော်ကန်တော့ပွဲများ ကျင်းပပြုလုပ်သွားမည်ဟု ၎င်းမှထပ်မံပြောကြားသည်။
ကောဇာသက္ကရာဇ်(၁၃၈၁)ခုနှစ်၊ခရစ်နှစ်(၂၀၁၉)ခုနှစ် ဧပြီလ(၁၃)ရက်နေ့မှ (၁၆)ရက်နေ့အထိ မြန်မာ့ရိုးရာနှစ်သစ်ကူးသြင်္ကန်ပွဲတော်အား မြန်မာနိုင်ငံတစ်ဝှမ်းရှိ မြို့များ၊ကျေးရွာများပါမကျန် ကျင်းပပြုလုပ်မည်ဖြစ်သည်။
နောင်ရိုး