မိုးမောက်မြို့ ထက်သူရိန်လင်း စက်သုံးဆီရောင်းဝယ်ရေးမှ ဆိုင်သို့ ဝင်လာသောကားများအား ထမင်းထုတ်များဖြန့်ဝေပေး
EPN
မိုးမောက်၊ မေ ၃
လှူဒါန်းရခြင်း ပတ်သက်၍ မိုးမောက်မြို့ ထက်သူရိန်လင်း ဆီဆိုင်မန်နေဂျာက ယခုကဲ့သို့ ဆိုသည်။
“မေလ ၁ ရက် မနေ့က စတင်၍ ထမင်းထုတ်များကို ဖြန့်ဝေလှူဒါန်းတယ်။ မေလ ၇ ရက်အထိ ရက်သတ္တတပတ်အကြာလှူဒါန်းပေးသွားမှာပါ၊ ဆိုင်အတွင်းဝင်လာတဲ့ကားအားလုံးနဲ့ ကားပေါ်ပါ ခရီးသည်များ အားလုံးကို လူမျိုးမ ရွေးဘာသာမရွေး လှူဒါန်းပေးနေပါတယ် ” ဟု ထက်သူရိန်လင်းဆိုင်ပိုင်ရှင် ဦးစ်ိုးဝင်းငြိမ်းက ပြောသည်။
ဆီထည့်သည် ဖြစ်စေ မထည့်သည် ဖြစ်စေ ဆီဆိုင်အတွင်းကား ဝင်လာပါက ထမင်းထုတ်များလှူဒါန်းပေးခဲ့ကြောင်းနှင့် မေ ၁ ရက် နေ့ နံနက် ၁၁ နာရီမှ ည ၁၁ နာရီအထိ ထမင်းထုတ်ပေါင်း ၁၂၀ ခန့်လှူဒါန်းနိုင်ခဲ့တယ်၊ အဆိုပါဆီဆိုင်မန်နေဂျာက ထပ်မံပြောသည်။
ထက်သူရိန်လင်းဆီဆိုင်(၁)သည် မိုးမောက်မြို့နယ် လွယ်ဂျယ်မြို့တွင်ရှိ၍ ဆီဆိုင်အမှတ် (၂)သည် မိုးမောက်မြို့ ခါနန်ရပ်ကွက်၊ ဗန်းမော်-မိုးမောက်-မြစ်ကြီးနား လမ်းတွင် တည်ရှိပြီး အရည်အသွေးမှန်၊ ဈေးနှုန်းမှန်၊ အချိန်အတွယ်မှန်ဖြင့် ရောင်း ချလျှက်ရှိသည့်အပြင် ကထိန်သင်္ကန်းများ ဆက်ကပ်လှူဒါန်းခြင်း၊ ရဟန်းသံဃာများအား ဆွမ်းဆက်ကပ်လှူဒါန်းခြင်း၊ ပရဟိတ အကျိုးလုပ်ငန်းများတွင် အလှူငွေများထည့်ဝင်လှူဒါန်းခြင်းများဆောင်ရွက်သော ဆီဆိုင်ဖြစ်ကြောင်း ဗန်းမော် -လွယ်ဂျယ် ဂျိမ်းဖောဧရာ ယာဥ်ငယ်လိုင်းမှ ယာဥ်မောင်းတစ်ဦးက ပြောသည်။
ဗန်းမော်သုခမိန်