ဗန်းမော်မြို့တွင် အမျိုးသားနှစ်ဦးထံမှ ဘိန်းဖြူများ ဖမ်းဆီးရမိ
EPN
မြစ်ကြီးနား၊ ဇွန် ၆
ကချင်ပြည်နယ် ဗန်းမော်မြို့ မံရွတ်ကျေးရွာတံတားတွင် အမျိုးသားနှစ်ဦးထံမှ ယမန်နေ့ ညနေ၆ နာရီ ၄၅ မိနစ်အချိန်တွင် ဘိန်းဖြူများဖမ်းဆီးမိခဲ့ကြောင်း ဗန်းမော်မြို့မရဲစခန်းထံမှ သိရသည်။
ဖြစ်စဥ်မှာ၊ကချင်ပြည်နယ်၊ဗန်မော်မြို့၊မံရွတ်ကျေးရွာတံတားတွင် စစ်ဆေးရေးများပြုလုပ်နေစဥ်တွင် TOYOTA မော်တော်ယာဥ်အမျိုးအစားဖြင့် လအောင် မောင်းနင်ပြီး ဒေါင်ဟောင်း လိုက်ပါလာသောမော်ယာဥ်အား ရပ်တန့်စစ်ဆေးရှာဖွေခဲ့ရာ ယာဥ်ပေါ်တွင်သိုဝှက်သယ်ဆောင်လာသော ဒေသကာလပေါက်စျေးငွေကျပ်သိန်း(၁၄၀)တန်ဖိုး ဘိန်းဖြူအလေးချိန်(၁•၆၄)ကီလို နှင့် မြန်မာကျပ်ငွေ(၇)သိန်းတို့ကိုသိမ်းဆီးရမိခဲ့ခြင်ဖြစ်သည်။
အဆိုပါ မှုးယစ်ဆေးဝါးနှင့်ပက်သက်သော လအောင်(၂၂)နှစ် နှင့် ဒေါင်ဟောင်း(၁၉)နှစ်တို့အား မူးယစ်ဆေးဝါးနှင့်စိတ်ကိုပြောင်လဲစေသောဆေးဝါးများဆိုင်ရာ ဥပဒေ အရဗန်မော်မြို့မရဲစခန်းတွင်အမူ့ဖွင့်အရေးယူထားလျှက်ရှိကြောင်း သိရသည်။
နန့်ခူး