မိုးမောက်မြို့နယ်၌ မြို့နယ်လယ်ယာမြေ စီမံခန့်ခွဲမှုအဖွဲ့ လုပ်ငန်းညှိနှိုင်းအစည်းအဝေးကျင်းပ
EPN
မိုးမောက်၊ ဖေဖော်ဝါရီ ၁၄
ကချင်ပြည်နယ်၊ ဗန်းမော်ခရိုင်၊ မိုးမောက်မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်အုပ်ချုပ်ရေးမှူးရုံးခန်း၌ မြို့နယ်စီမံအုပ်ချုပ်ရေးအဖွဲ့ ဥက္ကဋ္ဌနှင့် မြို့နယ်လယ်ယာမြေ စီမံခန့်ခွဲမှုအဖွဲ့လုပ်ငန်းညှိနှိုင်းအစည်းအဝေးကို ယမန်နေ့မွန်းလွဲ (၂)နာရီတွင် ကျင်းပပြုလုပ်ခဲ့သည်။
အဆိုပါ အစည်းအဝေးတွင် မိုးမောက်မြို့နယ်အတွင်းရှိ မံပုံ၊ ကျောက်စခန်း ၊ ကျရီဒဂေါ်၊ ဝိန်းခမ်း၊ တာဆိုင်၊ နားလုံ၊ ကျခန်းဒပ် ဒိန်ဂါယန်၊ နောင်းကုန် ၊ ကွမ်ဘန်ကျေးရွာအုပ်စု များ အတွင်းရှိ တောင်သူ (၁၇၄)ဦး အတွက် လယ်ယာမြေလုပ်ပိုင်ခွင့် လက်မှတ်ပုံစံ (၇) ရရှိရေး အတွက် လုပ်ငန်းအမှုတွဲပေါင်း(၁၈၈)တွဲနှင့် လယ်ယာမြေ အခြားနည်းအသုံးပြုခွင့် အမှုတွဲ ( ၁ )တွဲတို့အား လယ်ယာမြေဥပဒေနှင့်အညီ ခရိုင်လယ်ယာမြေ စီမံခန့်ခွဲရေးအဖွဲ့သို့ တင်ပြနိုင်ရေး ညှိနှိုင်းဆွေးနွေးခဲ့ပြီး မိုးမောက်မြို့နယ်အတွင်း စည်ပင်သာယာရေးအဖွဲ့ပိုင် အမှိုက်စွန့်ပစ်ရန် မြေနေရာအသစ်လျာထားရှာဖွေဆောင်ရွက်ရန်ဆွေးနွေးခဲ့ကြသည်။
ထို့အပြင် ဝါးစိုက်ပျိုးရေးစီမံချက်ပါ ကျေးရွာများ ဖြစ်သည့် ကျောက်စခန်း (၃)ဧက၊ နောင်းကုန်( ၃ )ဧက၊ ကျရီဒဂေါ်(၄ )ဧက၊ စုစုပေါင်း (၁၀)ဧကတို့တွင် ဝါးစိုက်ပျိုးနိုင်ရေး အတွက် စိုက်ပျိုးမြေနေရာ လျာထားခြင်း မြေပြုပြင်ခြင်း၊ ပေါင်းမြတ်များ ရှင်းလင်းခြင်း၊ မြေဆီကျွေးခြင်း၊ စိုက်ပျိုးခြင်း၊ ခြံစည်းရိုးကာရံခြင်း၊ ဆိုင်းဘုတ်စိုက်ထူခြင်း လုပ်ငန်းများကို မြို့နယ်သစ်တောဦးစီးဌာနမှ အဆိုပါကျေးရွာများသို့ ကွင်းဆင်းဆောင်ရွက် နိုင်ရေး ဆွေးနွေးညှိနှိုင်းခဲ့ကြောင်း သိရသည်။
ဗန်းမော်သုခမိန်