ကချင်ပြည်နယ်တွင် ဩဂုတ်လ ၂၂ရက်နေ့မှ ၂၉ ရက်နေ့အတွင်း မိုးကြီးနိုင်ဟုဆို
EPN
မြစ်ကြီးနား၊ ဩဂုတ် ၂၂
ကချင်ပြည်နယ်တွင် ဩဂုတ်လ ၂၂ရက်နေ့မှ ၂၉ ရက်နေ့အတွင်း မိုးကြီးနိုင် ကြောင်း မိုးလေဝသ ပညာရှင် စုစုစံမှ ထုတ်ပြန်ထားသည်။
ယင်းကဲ့သို့ ကချင်ပြည်နယ်အတွင်း မိုးများကြီးနိုင်ပြီး၊ မြစ်ကြီးနားမြစ်ရေသည်လည်း မြင့်တက်လာနိုင်ကြောင် ၎င်းကထပ်မံသတိပေး ပြောဆိုထားသည်။
လက်ရှိတွင် မြစ်ကြီးနားမြစ်ရေ ၈ လက်မခန့်သာ မြင့်တက်လာသော်လည်း ကချင်ပြည်နယ် အထက်ပိုင်းဒေသများဖြစ်သည့် ပူတာအို ၊ မချမ်းဘော၊ နောင်မွန်း၊ ပန်နန်းဒင်၊ ခေါင်လံဖူး၊ ချီဖွေ၊ ဆော့လော် ဒေသများမှာ တိမ်ထူထပ်ပြီး မိုးများစတင် ရွာသွန်းနေပြီဖြစ်သည့်အတွက် ဧရာဝတီမြစ်ရေ မြင့်တက် လာနိုင်ကြောင်း မိုးလေဝသနှင့် ဇလဗေဒဦးစီးထံမှ သိရသည်။
မြစ်ကြီးနားမြစ်ရေ မြင့်တက်လာနိုင်သည့်အတွက် ဧရာဝတီ မြစ်ရိုးတလျှောက် မြစ်ကမ်းအနီး မြေနိမ့်ဒေသများ၊ နှင့် မြေနုကျွန်းများတွင် စိုက်ပျိုးလုပ်ကိုင် နေထိုင်ကြသော တောင်သူများနှင့် မိဘပြည်သူများအားလုံး သိရှိပြီး၊ ကြိုတင်ပြင်ဆင်ထားရန်လိုကြောင်း ဖော်ပြထားသည်။
သံလွင်