ဧရာဝတီတိုင်းတွင် ပြီးခဲ့သည့် တစ်လအတွင်း ကိုယ့်ကိုယ် ကိုယ်အဆုံးစီရင်သည့် ဖြစ်စဉ်ကြောင့် ၈ ဦးအထိသေဆုံးခဲ့

Spread the love

EPN

ပုသိမ် ၊ နိုဝင်ဘာ ၄

ဧရာဝတီတိုင်းဒေသကြီးတွင် ပြီးခဲ့သည့် တစ်လအတွင်း ကိုယ့်ကိုယ်ကိုယ် အဆုံးစီရင်မှုကြောင့် သေဆုံးခဲ့သူ ၈ ဦး အထိရှိခဲ့ကြောင်း ဧရာဝတီတိုင်း အခြေပြုဆောင်ရွက်နေ သည့် လူမှုကူညီရေးအဖွဲ့များထံမှ သိရသည်။

ပြီးခဲ့သည့် အောက်တိုဘာ ၁ ရက်မှ ၃၁ ရက်အထိ တစ်လ အတွင်း ကိုယ့်ကိုယ်ကိုအဆုံးစီရင်သွားသူ ၈ ဦးအထိရှိခဲ့ပြီး အဆုံး စီရင်သွားသည့်ဖြစ်စဉ်များကြောင့် သေဆုံးခဲ့ရသူ များသည် လူငယ်အရွယ်များ အများဆုံးပါဝင်ခဲ့ကြောင်း လူမှုကူညီရေးအဖွဲ့တာဝန်ရှိသူတစ်ဦးထံမှ သိရသည်။

“ဘယ်လောက်အထိ သူတို့ဘဝတွေ ခက်ခဲကျပ်တည်းနေ လို့ အခုလို အဆုံးစီရင်ကြတာဆိုတာတော့ မပြောတတ်ဖူး ၊ ၊သေဆုံးသွားတဲ့သူတွေထဲမှာ လူငယ်ပိုင်းအရွယ်တွေများ တယ် ၊ အဆုံးစီရင်သွားသူတွေ ပြီးခဲ့တဲ့ တစ်လထဲမှာဆို ၈ ဦးထက်မနည်းရှိမယ် ၊ ရေထဲခုန်ချ အဆုံးစီရင်တာတွေ လည်းပါသလို ၊ ကြိုးဆွဲချအဆုံးစီရင်သွားတာလည်း ရှိခဲ့ တယ်။”ဟု ၎င်းကဆက်ပြောသည်။

အဆုံးစီရင်သွားသည့် ၈ ဦးထဲတွင် အမျိုးသမီး ၅ ဦးနှင့် အမျိုးသား ၃ ဦး စုစုပေါင်း ၈ ဦးဖြစ်ပြီး စက်တင်ဘာလ အတွင်း အဆုံးစီရင်သည့်ဖြစ်စဉ်ကြောင့် ၅ ဦးအထိသာ သေဆုံးခဲ့ရသဖြင့် ပြီးခဲ့သည့် အောက်တိုဘာလတွင်း အဆုံးစီရင်သွားသူ ၈ ဦးအထိရှိခဲ့သည့်အတွက်အဆုံးစီရင် မှုကြောင့် သေဆုံးခဲ့ရသူ နှစ်ဦးပိုများခဲ့ကြောင်းတာဝန်ရှိသူ တစ်ဦးထံမှသိရသည်။

ဧရာဝတီတိုင်းဒေသကြီးတွင် အလားတူ ကိုယ့်ကိုယ်ကိုယ် အဆုံးစီရင်သည့်ဖြစ်စဉ်များ နောက်ထပ်ဖြစ်ပွားမှု မရှိစေရန် ဧရာဝတီတိုင်း အခြေပြုလူမှုကူညီရေးဆောင်ရွက်နေသည့် အဖွဲ့များမှ ပြသနာများကို စိတ်အေးအေးထားကာ ဖြေရှင်းရန်နှင့်မိုက်မဲမှု မဆန်ကြရန်အတွက် တိုက်တွန်း မေတ္တာ ရပ်ခံထားကြောင်း သိရသည်။

သူရ