ဘိုကလေးမြို့နယ်တွင် ရာအိမ်မှုးပစ်ခတ်ခံရသည့်ဖြစ်စဉ် နှင့် ပတ်သက်၍ မူလတန်းပြ ကျောင်းဆရာ အပါအဝင် ဒေသခံ ၂၂ ဦးဖမ်းဆီးခံထားရ
EPN
ဘိုကလေး ၊ နိုဝင်ဘာ ၇
ဧရာဝတီတိုင်း ၊ ဘိုကလေးမြို့နယ် မလော့ရွာအုပ်စုတွင် ရာအိမ်မှူးမြင့်ဇော်(ခ)သေနတ်ဖြင့် ပစ်သတ်ခံရသည့်ဖြစ် စဉ်တွင် ပါဝင်ပတ်သက်သည်ဟုဆိုကာ ကျောင်းဆရာ ကိုထွေးလွင် အပါအဝင် သံသယဖြင့် ဒေသခံ ၂၁ ဦးကို သက်ဆိုင်ရာက ၅ ရက်အတွင်း ဖမ်းဆီးလိုက်ကြောင်း ဒေသခံများထံမှ သိရသည်။
မလော့ကျေးရွာအုပ်စု ၊ ရာအိမ်မှူး ဦးမြင့်ဇော်သည်ပြီးခဲ့ သည့် နိုဝင်ဘာ ၃ ရက် ညပိုင်းက နေအိမ်တွင်ရှိနေသည့် အချိန် သေနတ်သမားနှစ်ဦးမှ လာရောက်ပစ်ခတ်သွားခြင်းဖြစ်ပြီး ရရှိသည့်ဒဏ်ရာများဖြင့်၊ ဘိုကလေးမြို့ကုတင်၁၀၀ပြည်သူ့ဆေးရုံတွင်ဆေးကုသမှုခံယူနေရခြင်းဖြစ်သည်။
ထို့သို့ ရာအိမ်မှူးဦးမြင့်ဇော်သေနတ်ဖြင့် ပစ်သတ်ခံရသည့် ဖြစ်စဉ်တွင် ပါဝင်ပတ်သက်မှု ရှိသည်ဟုဆိုကာ ကျုံစိန် ကျေးရွာမှ မူလတန်းပြ ကျောင်းဆရာ ကိုထွေးလွင် အပါ အဝင် ဒေသခံ ၂၁ ဦးကိုသက် ဆိုင်ရာက နိုဝင်ဘာ ၃ ရက် ညနေ ပိုင်းမှ ၈ ရက်အထိ ၅ ရက်အတွင်း ဖမ်းဆီး လိုက်ခြင်းဖြစ်ကြောင်း ဒေသခံတစ်ဦး ထံမှသိရသည်။
” ၃ ရက်နေ့ထဲက ဆက်တိုက်ကိုဖမ်းနေတာ ၊ ကျောင်း ဆရာကိုပါ ဖမ်းထားတယ် ၊ ဒီကနေ့ အထိဆို အဖမ်းခံရတာ အယောက် ၂၂ အထိရှိလာပြီး ၊ လာစစ် လိုက် ဖမ်းလိုက် လုပ်နေတာ ၊ တချို့ဆို ကိုယ့်အိမ်မှာ ကိုယ်မနေရဲဖြစ်နေတယ် ၊ ဒီလူအယောက် ၂၀ကျော် လောက်က ရာအိမ်မှူးကို သတ်တာလားလို့ မေးရတော့မယ် ၊တကယ့် အပြစ်လုပ်သူကို မဖမ်းနိုင်ပဲ အပြစ်မရှိသူတွေ အဖမ်းခံရတာ ၊ နစ်နာတယ် ။”ဟု ၎င်းက ဆက်ပြောသည်။
အဖမ်းခံရသူများသည် ကျောင်းဆရာ ကိုထွေးလွင် အပါ အဝင် ကိုဆန်းထူး ၊ ကိုမောင်ဆန်း ၊ မစုစုလှိုင် ၊ကိုမင်း အောင် ၊ ကိုကျော်စိုးသန်း ၊ ကိုအောင်ထူး ၊ကိုအောင်ကျော် မိုး ၊ ကိုကျော်ကို ၊ ကိုမျိုးမြတ် ၊ ကိုမျိုးဝင်း ၊မအိ့မွန်ထွန်း ၊မစန္ဒာခိုင် ၊ မလဲလဲဝင်း ၊ ကိုဖိုးဇော် ၊ ကိုဆန်းထူး၊ မအိ့အိ့မိုး ၊ ကိုငမျိုး ၊ ကိုသာထူး ၊ ကိုအောင်ကြည်၊ ကိုကျော်လွင်၊မသဲစု စုစုပေါင်း ၂၁ ဦဖြစ်ပြီး ဖမ်းဆီးခံရသူများသည် တောင်သူများဖြစ်ကြောင်း အဖမ်းခံရသူများကိုကူညီပေးနေ သူတစ်ဦးထံမှ သိရသည်။
”အဖမ်းခံရသူတွေက လယ်သမားတွေပါ ၊ မိန်းကလေးတွေလည်း အဖမ်းခံရတဲ့အထဲပါတယ် ၊ လက်ရှိတော့ရဲ စခန်းမှာပဲလို့ သိရတယ် ၊ အမှုတော့မဖွင့်ရသေးပါဘူး ၊ အဖမ်းခံရတာတွေ ဆက်တိုက်ဖြစ်နေတော့ တချို့ဆို ဒေသခံတွေက ထွက်ပြေးနေကြတယ် ၊ ဒီအချိန်က ဒေသ တွေမှာကလယ်ယာ လုပ်ငန်းတွေ စတင်လုပ်နေတဲ့အချိန်၊ အခုလယ်သမားတွေက လုပ်နေတဲ့ အလုပ်တွေကို ပစ်ပြီး ထွက်ပြေးနေကျတာ မလုပ်ရဲဖြစ်နေတယ်။”ဟု ၎င်းကပြောသည်။
ပြီးခဲ့သည့် သြဂုတ်လအတွင်းကလည်း ဘိုကလေးမြို့ပေါ်က ရွှေဆိုင်လုပ်ငန်းရှင်တစ်ဦး၏ နေအိမ်အတွင်း လက်ပစ်ဗုံးပစ်သွင်းတိုက်ခိုက်ခံခဲ့ရပြီး ယင်းဖြစ်စဉ်နှင့် ပတ်သက်ပြီး ဒေသခံ လူငယ် ၂၀ ဦးကို ဖမ်းဆီးထားကာ ယနေ့ အထိပြန်မအလွတ်သေးကြောင်း ဒေသခံများထံမှသိရသည်။
သူရ