ယူကေတွင် ကိုရိုနာဗိုင်းရပ်စ်ကြောင့် သေဆုံးသူဉီးရေမှာ ဥရောပတိုက်တွင် အမြင့်ဆုံးဖြစ်လာ
EPN
နိုင်ငံတကာ၊ မေ ၆
မေလ ၄ ရက်က ကိုရိုနာဗိုင်းရပ်စ်ကြောင့် သေဆုံးသူပေါင်း ၇၀၀နီးပါးရှိပြီး စုစုပေါင်း သေဆုံးသူ ၂၉၄၂၇ဉီးအထိ မြင့်တက်လာခဲ့ကြောင်း ဗြိတိန်ကျန်းမားအာဏာပိုင်များက ကြေညာခဲ့သည်။
အဆိုပါ အရေအတွက် အမေရိကန်ပြည်ထောင်စုပြီးလျှင် ကမ္ဘာပေါ်တွင် သေဆုံးသူအများဆုံးဉီးရေဖြစ်သည်။ အီတလီနိုင်ငံထက် ပိုမိုများပြားသည်။ ယူကေတွင် ကိုဗစ်-၁၉ ရောဂါကူးစက်မှု အမြင့်ဆုံးသို့ရောက်ရှိလာပြီးနောက် စောင့်ရှောက်ရေးဂေဟာများတွင် သေဆုံးသူအရေအတွက် မြင့်မားလာခဲ့သည်။
ကိုရိုနာဗိုင်းရပ်စ်ကို မြန်ဆန်စွာ စစ်ဆေးခြင်းက ပိုမိုအကျိုးရှိနိုင်ကြောင်း ယမန်နေ့က လွှတ်တော်သို့ အစိုးရ၏ သိပ္ပံဆိုင်ရာအကြံပေးချုပ် ပက်ထရစ်ဗလဲန်းစ်က ပြောကြားခဲ့သည်။
လူမှုရေးနှင့်စီးပွားရေးလှုပ်ရှားမှုများအပေါ်ပြင်းထန်သည့် ကန့်သတ်ချက်များကိုဖြေလျှော့မည့် အစီအမံရှင်းပြရန် နိုင်ငံတော်သို့ တနင်္ဂနွေနေ့တွင် မိန့်ခွန်းပြောကြားရန် ဗြိတိန်ဝန်ကြီးချုပ် ဘောရစ်ဂျွန်ဆင်က စီစဉ်ထားသည်။
–ကိုးကား–
အင်န်အိတ်ချ်ကေ
Ref; UK coronavirus death toll highest in Europe