ပူတာအိုမြို့နယ်၌ ကိုရိုနာဗိုင်းရပ်စ်ရောဂါကြိုတင်ကာကွယ်ရေး Hand Speaker များဖြင့် လိုက်လံအသိပေးနိူးဆော်
EPN
ပူတာအို၊ မတ် ၂၉
အဆိုပါ အသိပေးနိူးဆော်ခြင်းလုပ်ငန်းဆောင်ရွက်ရာတွင်ကျန်းမာရေး နှင့်အားကစားဝန်ကြီးဌာနနှင့် ပြည် နယ်အစိုးရအဖွဲ့တို့က Covid-19 ရောဂါကူးစက်ပြန့်နှံ့မှုမရှိစေရေးအတွက် ပြည်သူများလိုက်နာဆောင်ရွက် ရမည့်ထုတ်ပြန်ချက်များ၊ ပြည်သူများသို့ပန်ကြားချက်များ၊ မြို့နယ် အုပ်ချုပ်ရေးမှူးရုံး၏ မတ်(၂၈)ရက်စွဲဖြင့် ထုတ်ပြန်ကြေငြာထားသော Covid-19 ရောဂါကြိုတင်ကာကွယ်ရေး ဒေသန္တရအမိန့်ထုတ်ပြန်ချက် များကို မြို့နယ်အုပ်ချုပ်ရေးမှူး၏ စီစဉ်မှုဖြင့် ခရိုင်ပြန်ကြားရေးနှင့် ပြည်သူ့ဆက်ဆံရေးဦးစီးဌာန ဒုတိယဦးစီးမှူး ဦးစိုးမိုးနိုင်၊ ဘေးအန္တရာယ် ဆိုင်ရာစီမံခန့်ခွဲမှုဦးစီးဌာန ခရိုင်တာဝန်ခံ ဦးစောနွဲ့နေအောင်တို့နှင့် ပူးပေါင်း အဖွဲ့များက မြို့ပေါ်ရပ်ကွက်လမ်းများတလျောက် Hand Speaker များဖြင့် တိုက်တွန်းနိူးဆော်ခဲ့ကြ သည့်အပြင် Covid-19 ရောဂါကြိုတင်ကာကွယ်ရေး အသိပညာပေးလက်ကမ်းစာစောင်များကို အဆိုပါလမ်းတလျောက်ရှိ ပြည်သူများအား ဖြန့်ဝေပေးခဲ့ကြောင်း သိရသည်။
ဖုန်ကန်(ပူတာအို)