တရုတ်နိုင်ငံ ပြည်နယ် ၂၆ ခုတွင် ရေကြီးရေလျှံမှုများကြောင့် ၈၁ ဦးသေ၊ ၇၄၀၀၀၀ ကျော်ကို ဘေးလွတ်ရာရွှေ့ပြောင်း
EPN
နိုင်ငံတကာ၊ ဇွန် ၂၉
ဇွန်လဆန်းနောက်ပိုင်း ငါးကြိမ်ထက်မနည်း မိုးသည်းထန်စွာ ရွာသွန်းခဲ့ခြင်း က ပြည်နယ်၊ မြူနီစီပယ်ဧရိ ယာနှင့် ကိုယ်ပိုင် အုပ်ချုပ်ခွင့်ရ ဒေသ ၂၆ ခုကျော်ရှိ ပြည်သူ ၁၃ သန်းကျော်ကို သက်ရောက်မှုရှိစေခဲ့သည်။
တရုတ်နိုင်ငံအနောက်တောင်ပိုင်း မြို့တော်ကြီးတစ်ခုဖြစ်သည့် ချုံကျင်းမြို့အပါအဝင် ဒေသအချို့မှာ ဆယ်စုနှစ်နှစ်ခုကျော်အတွင်း အဆိုးရွားဆုံး ရေကြီးရေလျှံမှုများ ကြုံတွေ့ခဲ့ရသည်။
ရေကြီးရေလျှံမှုများကြောင့် တိုက်ရိုက် စီးပွားရေးအရ ဆုံးရှုံးမှုမှာ ယွမ် ၂၇ ဘီလီယံ (အမေရိကန်ဒေါ်လာ ၃ ဒသမ ၈ ဘီလီယံ) ခန့်ရှိကြောင်း မီးသတ်ဦးစီးဌာန၏ ခန့်မှန်းချက်အရ သိရသည်။
တရုတ်နိုင်ငံတွင် လာမည့်သီတင်းပတ်အတွင်း မိုးဆက်လက် ရွာသွန်းနိုင်ပြီး အလယ်ပိုင်းရှိ ဟူပေပြည် နယ်နှင့် အရှေ့ပိုင်းရှိ ကျင်းဇီပြည်နယ်တို့သည် မကြာသေးမီက သဘာဝဘေးအန္တရာယ် အရေးပေါ်အခြေအနေ တုံ့ ပြန်မှုတစ်ရပ် ထုတ်ပြန်ခဲ့သည်။
တရုတ်နိုင်ငံအနောက်တောင်ပိုင်းရှိ ကွေ့ကျိုးပြည်နယ်နှင့် အရှေ့ပိုင်းရှိ အန်ဟွေးပြည်နယ်တို့ကလည်း သဘာဝဘေးအန္တရာယ် တုံ့ပြန်မှုအဆင့်များ တိုးမြှင့်ခဲ့သည်။
–ကိုးကား–
People’s Daily
Ref; 81 Dead or Missing in China as Floods Spread to 26 Provinces