နာဇီစစ်ပြန်ကို ဂုဏ်ပြုခဲ့တဲ့ ကနေဒါ လွတ်တော်ဥက္ကဋ္ဌ ရာထူးကနှုတ်ထွက်
EPN
နိုင်ငံတကာ၊ စက်တင်ဘာ ၂၇
ဒုတိယကမ္ဘာစစ်အတွင်း နာဇီတွေအတွက် တိုက်ပွဲဝင်ခဲ့တဲ့ ယူကရိန်းစစ်ပြန်တစ်ဦးကို လူသိရှင်ကြား ဂုဏ်ပြုပြီး ရက်ပိုင်းအကြာမှာ ကနေဒါအောက်လွတ်တော်ဥက္ကဋ္ဌ အန်တိုနီရိုတာ ရာထူးက နုတ်ထွက်ခဲ့ပါတယ်။
ပြီးခဲ့တဲ့အပတ်က ယူကရိန်းသမ္မတ ဇလန်ဇကီ ကနေဒါလွတ်တော်ကို လာရောက်လည်ပတ်စဉ်မှာ ရိုတက အသက် ၉၈ နှစ်အရွယ် ယူကရိန်းစစ်ပြန်တစ်ဦးကို သူရဲကောင်းတစ်ဦးအဖြစ် ချီးကျူးဂုဏ်ပြုကာ ဂုဏ်ပြုဆုတွေ ချီးမြှင့်ခဲ့ပါတယ်။
ဒါပေမယ့် အစိုပါစစ်ပြန်ဟာ ဒုတိယကမ္ဘာစစ်အတွင်းက နာဇီနဲ့ ဆက်နွယ်တဲ့ စစ်ဘက်ဆိုင်ရာ ယူနစ်တစ်ခုမှာ အမှုထမ်းခဲ့ကြောင်း ဖော်ထုတ်ခဲ့ပြီးနောက် ရာထူးက နုတ်ထွက်ဖို့ ဖိအားတွေတိုးလာခဲ့တာဖြစ်ပါတယ်။
အဆိုပါစစ်မှုထမ်းဟောင်းဟာ 14th Waffen Grenadier Division မှာ အမှန်တကယ်တာဝန်ထမ်းဆောင်ခဲ့ပြီး မီးလောင်တိုက်သွင်းစဉ် လူသားမျိုးနွယ်အပေါ် ကျူးလွန်ခဲ့တဲ့ ရာဇဝတ်မှုတွေကို ကောင်းစွာ မှတ်တမ်းတင်ထားတဲ့ နာဇီစစ်တပ်အဖြစ် သတ်မှတ်ထားပါတယ်။
အငြင်းပွားမှုတွေနဲ့ ကြီးထွားလာတဲ့ ဖိအားတွေကြောင့် အန်တိုနီရိုတာဟာ အောက်လွတ်တော်ဥက္ကဋ္ဌအဖြစ်ကနေ နုတ်ထွက်ဖို့ ဆုံးဖြတ်ခဲ့တာဖြစ်ပြီး သူ့ရဲ့ အမှားအတွက် နှောင်တရမိကြောင်းနဲ့ ကမ္ဘာတစ်ဝှမ်းမှာရှိတဲ့ ဂျူးအသိုက်အဝန်းအတွက် နာကျင်စေမှုကို အသိအမှတ်ပြုခဲ့ပါတယ်။
ယူကရိန်းသမ္မတ ဇလန်ဇကီဟာ ဂျူးလူမျိုးတစ်ဦးဖြစ်ပေမယ့် နာဇီစံနှုန်းတွေကို အသုံးချနေတယ်လို့ ရုရှားက စွပ်စွဲထားတဲ့အတွက် အခုဖြစ်ရပ်ဟာ နိုင်ငံတကာမှာ ရိုက်ခတ်မှုတွေရှိနေပါတယ်။
ရုရှားသံအမတ်က “ရုရှားလူမျိုးစုပေါ် အစုလိုက်အပြုံလိုက်သတ်ဖြတ်ခံရမှုကို လျစ်လျူရှုပြီး ယူကရိန်းနာဇီလက်ထောက်ကို ဂုဏ်ပြုခဲ့တဲ့ ကနေဒါအနေနဲ့ တရားဝင်ပြတ်ပြတ်သားသား တောင်းပန်ဖို့ လိုအပ်ပြီး ကနေဒါအာဏာပိုင်တွေရဲ့ တုံ့ပြန်မှုကို စောင့်ကြည့်နေမယ်” လို့ ပြောဆိုထားပါတယ်။
ref; AFP