လသာမြို့နယ်ရှိ ဧရာဝတီဘဏ်ခွဲ (၃၇) ခွဲအား အမျိုးသားတစ်ဦးက ဓားပြ၀င်တိုက်ပြီး၊ ငွေကျပ်သိန်း (၁၀၀) လုယက်သွား
EPN
နေပြည်တော်၊ ဒီဇင်ဘာ ၁၉
ရန်ကုန်တိုင်းဒေသကြီး၊ လသာမြို့နယ်၊ (၁) ရပ်ကွက်ရှိ၊ ဧရာဝတီဘဏ်ခွဲ (၃၇) တွင် ယနေ့ နံနက် ၉ နာရီခွဲ ကျော်အချိန်က အမျိုးသားတစ်ဦး ၀င်ရောက်ဓားပြတိုက်ခဲ့ပြီး ငွေကျပ်သိန်း ၁၀၀ အား လုယက်သွားကြောင်း သိရသည်။
လသာမြို့နယ်၊ (၁) ရပ်ကွက်၊ ကမ်းနားလမ်းနှင့် လမ်းမတော်လမ်းထောင့်၊ ဧရာဝတီဘဏ်ခွဲ (၃၇) အား ယနေ့ နံနက်ပိုင်းအချိန်က Mask တပ်ထားသည့် အမျိုးသား ၁ ဦးမှ ဘဏ်ခွဲအတွင်းသို့ ၀င်ရောက်လာပြီး၊ ဓားမြှောင် တစ်ချောင်းအားပြသ၍ ဘဏ်ကောင်တာရှိ ငွေကျပ်သိန်း (၁၀၀) ခန့်အား လုယက်ယူဆောင်ကာ ထွက်ပြေး သွားခဲ့ကြောင်း သိရသည်။
ဘဏ်အား ၀င်ရောက်လုယက်ချိန်တွင် ဘဏ်လုံခြုံရေးနှင့် ဘဏ်၀န်ထမ်းများရှိကြောင်းသိရပြီး၊ လက်ရှိတွင် တရားခံဖမ်းဆီးရမိနိုင်ရေးအတွက် လုံခြုံရေးတပ်ဖွဲ့များက ဆောင်ရွက်လျက်ရှိကြောင်း သိရသည်။