မြစ်ကြီးနားမြို့ လယ်ကုန်းရပ်ကွက်တွင် အမျိုးသားတစ်ဦး ဆိုင်ကယ် ဆီဖြည့်နေစဉ် သေနတ်ဖြင့် ပစ်သတ်ခံရ
EPN
မြစ်ကြီးနား ၊ဇွန်လ ၂၇
ကချင်ပြည်နယ်၊ မြစ်ကြီးနားမြို့ လယ်ကုန်းရပ်ကွက်ရှိ ဓာတ်ဆီအိမ်ဆိုင်တစ်ခုတွင် ဆိုင်ကယ် ဆီဖြည့်နေစဉ် အသက် ၅၀ အရွယ် အမျိုးသားတစ်ဦး သေနတ်ဖြင့် ပစ်သတ်ခံရ၍ သေဆုံးခဲ့သည့် ဖြစ်စဉ်တစ်ခု ယနေ့မနက် ၈ နာရီခွဲခန့်က ဖြစ်ပွားခဲ့ကြောင်း အနီးအနားရှိ ဒေသခံများထံမှ သိရသည်။
ဖြစ်စဉ်မှာ မြစ်ကြီးနားမြို့၊ လယ်ကုန်းရပ်ကွက်၊ နယ်မြေ(၆)၊ ဇော်
ဂျွန်းလမ်းမကြီးဘေး၊ အိမ်အမှတ် (၁၃)ရှေ့တွင်ရှိ ဖွင့်လှစ်ရောင်းချနေသည့် ဓာတ်ဆီဆိုင်(အိမ်ဆိုင်)တွင် ဆိုင်ကယ်ဆီထည့်နေသော ဦးညွန့်ဝေ အသက်(၅၀) အား အမည်မသိလူငယ်အမျိုးသားတစ်ဦးမှ၊ဆိုင်ကယ်တစ်စီးဖြင့်ရောက်ရှိလာပြီး ဒလန်၊ဒလန်ဟု အော်ဟစ်ကာ သေနတ်ဖြင့်အဝေးမှတစ်ချက်ပစ်ပြီးနောက် ဦးညွန့်ဝေ လဲကျသွားစဉ် နဖူးတွင် အနီးကပ်တစ်ချက် ထပ်မံ ပစ်သတ်ခံခဲ့ရခြင်းဖြစ်သည်။
သေနတ်ဖြင့် ပစ်သတ်ခံရသူ ဦးညွှန့်ဝေ မှာ နယ်မြေ(၁၃) ရှမ်းရွာ လယ်ကုန်းရပ်ကွက်တွင် နေထိုင်သည့် ပြည်
သူတစ်ဦးဖြစ်ကြောင်း သိရသည်။
သေနတ်ဖြင့် ပစ်သတ်ခံရမှုကြောင့် ဦးညွန့်ဝေမှာ ဝဲဘက်ကျောဖောက်ဝင်၊ ယာရင်အုံ ဖောက်ထွက်ဒဏ်ယာ(၁)ချက်၊ ယာနဖူးဖောက်ဝင်၊နောက်စေ့ဖောက်ထွက်ဒဏ်ယာ(၁)ချက်ရရှိပြီး အခင်းဖြစ်နေရာတွင် သေဆုံးခဲ့ကြောင်း အနီးအနားရှိပြည်သူများထံမှ သိရသည်။
ယင်းသို့ သေနတ်ဖြင့် ပစ်သတ်ပြီးနောက် လူငယ်အမျိုးသားမှာ လယ်ကုန်းဈေးဘက်သို့ ဆိုင်ကယ်ဖြင့် ထွက်ပြေးသွားသည့်အတွက် သက်ဆိုင်ရာမှ ဖမ်းဆီးရမိရေးအတွက် ဆောင်ရွက်လျက်ရှိကြောင်း သိရသည်။
လင်းယုန်