COVID -19 လူနာ အမှတ် ၂၄၅ နှင့် ထိတွေ့ခဲ့သည့် မြစ်ကြီးနား စက်မှုဇုန်ရပ်ကွက်မှ လူရှစ်ဦး ကို အသွားအလာကန့်သတ်ထား
EPN
မြစ်ကြီးနား၊ ဇွန် ၁၁
ယင်းလူနာ အမှတ်၂၄၅ ကို ရောဂါပိုးတွေ့ရှိကြောင်း ဇွန်လ ၉ ရက်နေ့တွင် ကျန်းမာရေးဝန်ကြီးဌာနက ထုတ်ပြန်ခဲ့ပြီး ၎င်း၏ ခရီးသွားရာဇဝင်တွင် ကချင်ပြည်နယ်သို့ လာရောက်ခဲ့ဖူးကြောင်းနှင့် ဤသို့ လာရောက်စဉ် စက်မှုဇုန်ရပ်ကွက်ရှိ ကိုမောင်တိုင်း ကားဝပ်ရှော့နှင့် လက်ယာထမင်းဆိုင်နှင့် ထိတွေ့ခဲ့မှု ကြောင့် ကားဝပ်ရှော့မှ (၅)ဦး၊ ထမင်းဆိုင်မှ (၃) ဦး စုစုပေါင်း ၈ ဦးကို ယနေ့နံနက်ပိုင်းက စတင်ကာ အသွားအလာ ကန့်သတ်ထားရခြင်း ဖြစ်ကြောင်း မြစ်ကြီနားမြို့နယ် အုပ်ချုပ်ရေးမှူး ဦးသန်းဝင်းက ဆိုသည်။
”လူနာအမှတ် ၂၄၅ က အဲ့ဒီမှာ ဝင်ပြီးတော့မှ ကားဝင်ပြင်တယ်၊ ထမင်းဝင်စားတယ် အဒါတာတွေကြောင့် သံသယရှိလို့ ကျွန်တော်တို့က ကန့်သတ်ထားတာ ဖြစ်တယ်” ဟု ဦးသန်းဝင်းက ပြောသည်။
ယင်းကန့်သတ်ထားသည့် လူရှစ်ဦး၏ ဆေးစစ်ချက်နာမူနာကို အမျိုးသားဓာတ်ခွဲခန်းသို့ ပို့ထားပြီ ဖြစ်ပြီး ယင်းဆေးစစ်ချက် အဖြေပေါ်မူတည်၍ လိုအပ်သလို ဆောင်ရွက်သွားမည် ဖြစ်ကြောင်း သိရသည်။
ကချင်ပြည်နယ်တွင် ပထမဦးဆုံး COVID-19 တွေ့ခဲ့သည့် လူနာအမှတ် ၁၄၄သည် ပြန်လည်သက်သာ ပျောက်ကင်းသွားပြီဖြစ်ပြီး ယခုဒုတိယအကြိမ် ထပ်မံတွေ့ရှိခဲ့သည့် လူနာအမှတ် ၂၄၉ အား ဗန်းမော်ပြည်သူ့ဆေးရုံကြီးတွင် အနီးကပ်ကြီးကြပ်မှုဖြင့် စောင့်ကြည့် ကုသပေးနေကြောင်း သိရသည်။
လွမ်းအောင်