ဝိုင်းမော်မြို့နယ်၌ စက်မှု၊ စိုက်ပျိုးနှင့်မွေးမြူရေး အထက်တန်းကျောင်း
ဖွင့်လှစ်မည်
EPN
ဝိုင်းမော်၊ ဒီဇင်ဘာ ၂၇
ကချင်ပြည်နယ်၊ မြစ်ကြီးနားခရိုင်၊ဝိုင်းမော်မြို့နယ်၌ စက်မူ၊ စိုက်ပျိုးနှင့် မွေးမြူရေးအထက်တန်းကျောင်းပန္နက်တင်အခမ်းအနားကို ဒီဇင်ဘာလ၂၇ ရက် နံနက် ၈နာရီချိန်တွင် အမှတ်(၁) အခြေခံပညာအထက်တန်းကျောင်း ဝန်းအတွင်း ၌ မြို့နယ်စီမံအုပ်ချုပ်ရေးအဖွဲ့ဝင် များ မြို့နယ်ပညာရေးမှူးတို့ ဦးဆောင် ပြုလုပ်ခဲ့သည်။
စက်မှု၊ စိုက်ပျိုးနှင့် မွေးမြူးရေးအထက်တန်းကျောင်းကို ၂၀၂၃ခုနှစ် မတ်လအတွင်း အပြီးတည်ဆောက်သွားမည် ဖြစ်ပြီး တက္ကသိုလ်စာမေးပွဲတွင် အောင်မြင်မှုမရှိသည့် ကျောင်းသားကျောင်းသူများ တက်ရောက်နိုင်ရန်အတွက် ဖွင့်လှစ်ရခြင်း ဖြစ်ကြောင်း ဝိုင်းမော်မြို့နယ်ပညာရေးမှူးက ပြောဆိုသည်။
“စက်မှု၊ စိုက်ပျိုးနှင့်မွေးမြူရေးအထက်တန်းကျောင်းဖွင့်လှစ်ပေးနိုင်ဖို့ ဒီကနေ နံနက်ပိုင်းက ပန္နက်တင်အခမ်းအနားကျင်းပခဲ့တယ်။ အဓီကကတော့ ဝိုင်းမော်မြို့နယ်အတွင်းက တက္ကသိုလ်စာမေးပွဲကိုမအောင်မြင်သော ကျောင်းသူကျောင်းသားများ နဲ့ ဒေသအတွင်းလူငယ်လူရွယ်များအတွက်အသက်မွေးဝမ်းကျောင်းတက်ရောက်နိုင်ရေးအတွက် စက်မူ၊ စိုက်ပျိုးနှင့်မွေးမြူရေးအထက်တန်းကျောင်းကိုဆောက်လုပ်ခြင်းဖြစ်တယ် “ဟု ၎င်းက ရှင်းပြသည်။
အဆိုပါ စက်မှု၊ စိုက်ပျိုးနှင့် မွေးမြူရေးအထက်တန်းကျောင်းသည် အလျား (၁၁၈) ပေ၊ အနံ (၉၆) ပေ၊ တစ်ထပ်အဆောက်အဦဖြစ်ပြီးယင်းကျောင်းကို ရွှေနန်းတော်ဝင်ကုမ္ပဏီက၂၀၂၃ ခုနှစ်၊ မတ်လ အပြီးဆောက်လုပ်သွားမည်ဖြစ်ကြောင်း မြို့နယ်ပညာရေးမှူးထံမှ သိရှိရသည်။
အဆိုပါကျောင်းတွင် စက်မူလက်မူ၊စိုက်ပျိုးရေးနှင့်မွေးမြူရေးဘာသာရပ်များကိုသာ အဓိကထားသင်ကြားပို့ချသွားမည်ဖြစ်ပြီးကချင်ပြည်နယ်အတွင်းက ခရိုင်လေးခရိုင်တို့တွင် စက်မှု၊ စိုက်ပျိုးနှင့် မွေးမြူရေးအထက်တန်းကျောင်းများကို ၂၀၂၃/၂၄ ပညာသင်နှစ် တို့တွင် ဖွင့်လှစ်သွားရန်လျာထားရှိကြောင်း သိရသည်။
မြတ်မင်း