ကချင်အထူးဒေသ (၁)၊ မြစ်ကြီးနားဆက်ဆံရေးရုံး မိသားစုမှ သီရီပျံချီ၊ ဝဏ္ဏကျော်ထင် ဦးဇခုန်တိန့်ယိန်းအား အမှူးထား၍ ကျွန်းပင်သာ ပရဟိတကျောင်း တိုက်တွင် နေ့ဆွမ်းနှင့် ဝတ္ထုငွေများ ဆက်ကပ်လှူဒါန်း
EPN
မြစ်ကြီးနား၊ မတ် ၉ (၂၀၂၄)
ကချင်ပြည်နယ်၊ မြစ်ကြီးနားမြို့၊ ကျွန်းပင်သာရပ်ကွက်ရှိ ကျွန်းပင်သာပရဟိတကျောင်းတိုက်တွင် ကချင်အထူးဒေသ (၁)၊ ထာဝရငြိမ်းချမ်းရေးအဖွဲ့ချုပ် ဥက္ကဌကြီး သီရီပျံချီ၊ ဝဏ္ဏကျော်ထင် ဦးဇခုန်တိန့်ယိန်းအား အမှူးထားကာ မြစ်ကြီးနားဆက်ဆံရေးရုံး မိသားစုများက (တပို့တွဲ လကွယ်) မတ်လ ၉ ရက်နေ့၊ နံနက် ၁၀ နာရီ အချိန်ခန့်တွင် နေ့ဆွမ်းနှင့် ဝတ္ထုငွေများကို ဆက်ကပ်လှူဒါန်းခဲ့ကြောင်း သိရသည်။
ရှေးဦးစွာ အခမ်းအနားကို ဆက်ဆံရေးရုံးမိသားစုများ ဖြစ်ကြသည့် ဦးခင်မောင်ကျော်၊ ဦးယော်ယိန်း၊ ဦးတွမ်ပီချင်း၊ ဦးကျန်းလော့ခွင်းနှင့် ကြွရောက်လာကြသူများက ဩကာသကန်တော့ချိုးဖြင့် ရှိခိုးကန်တော့ခဲ့ကြပြီး၊ ဆရာတော်ထံမှ ငါးပါးသီလကို ခံယူဆောက်တည်ခဲ့ကြသည်။
ဆက်လက်ပြီး ဆရာတော်၊ သံဃာတော် အရှင်သူမြတ်များမှ မတ္တောသုတ် ပရိတ်တော်များချီမြှင့်ပေးခဲ့ပြီး၊ ဆရာတော်ကြီးထံမှ တရားတော်များကို ခံယူဆောက်တည်ခဲ့ကြကာ ဆရာတော်များအား နေ့ဆွမ်းနှင့် ဝတ္တုငွေများကို ကပ်လှူပူဇော်ခဲ့ကြသည်။
ယင်းနောက် အလှူရှင်များမှ ဂေါပဃအဖွဲ့များ၊ ဝေယျာဝိစ္စအဖွဲ့များနှင့် ဥပုသ်ဆောက်တည်ကြသည့် အဖွဲ့များကို အလှူငွေများပေး အပ်ခဲ့ကြပြီး၊ ကြွရောက်လာကြသည့် ဧည့်သည်တော်များနှင့် ကျွန်းပင်သာ ပရဟိတကျောင်းမှ မိဘမဲ့ ကလေးငယ်များကို နေ့လယ်စာဖြင့် ကျွေးမွေးဧည့်ခံခဲ့ကြောင်း သိရသည်။
ကချင်ပြည်နယ် အထူးဒေသ(၁)၊ ထာဝရငြိမ်းချမ်းရေးအဖွဲ့ချုပ် ဥက္ကဋ္ဌကြီး သီရိပျံချီ၊ ဝဏ္ဏကျော်ထင် ဦးဇခုန်တိန့်ယိန်း အား အမှူးထားပြီး ကချင်အထူးဒေသ (၁) မြစ်ကြီးနား ဆက်ဆံရေးရုံး မိသားစုများမှ တန်ဆောင်မုန်းလကွယ်နေ့မှ စတင်ပြီး နယုန်လကွယ်နေ့အထိ လပြည့်၊ လကွယ်နေ့များတိုင်းတွင် ကျွန်းပင်သာပရဟိတ ဘုန်းတော်ကြီး ကျောင်းတွင် သီတင်းသုံးနေထိုင်တော် မူကြသည့် ဆရာတော်၊ သံဃာတော်များကို နေ့ဆွမ်း ဆက်ကပ်လှူဒါန်းခြင်းနှင့် ပရဟိတကျောင်းတွင်ရှိသည့် ဝေယျာဝိစ္စအဖွဲ့များနှင့် မိဘမဲ့ကျောင်းသားလေးများအား အဟာရဒါန ကျွေးမွေးလှူဒါန်းမှုများကို လုပ်ဆောင်သွားမည်ဖြစ်ကြောင်း သိရသည်။
သံလွင်
