ရသေ့တောင်မြို့နယ်မှာ ဆိုင်ကလုန်းမုန်တိုင်းကြောင့် ၁၃ ဦး သေဆုံးခဲ့
EPN
နိုင်ငံကတာ၊ မေ ၁၆
ရခိုင်ပြည်နယ်၊ ရသေ့တောင်မြို့နယ်၊ ဒုံးပိုက်ကျေးရွာမှာ ပြည်သူတွေခိုလှုံနေတဲ့ ဓမ္မာရုံပြိုကျပြီး လူ(၁၃)ယောက်သေဆုံးခဲ့တယ်လို့ ရခိုင်အခြေစိုက်သတင်းတွေအရ သိရပါတယ်။
မေလ ၁၄ ရက်နေ့က ဝင်ရောက်တိုက်ခတ်ခဲ့တဲ့ အင်းအားပြင်းမုန်တိုင်း မိုခါ ကြောင့် ပြည်သူတွေ လေဘေးလွတ်ရာ ခိုလုံနေစဉ်မှာ ဓမ္မာရုံပြိုကျလို့ အသက် ၇ နှစ်အရွယ် မိန်းကလေးငယ်တစ်ဦးအပါအဝင် အမျိုးသမီး ၉ ဦး နဲ့ အမျိုးသား ၄ ဦး သေဆုံးခဲ့ရတယ်လို့ သိရပါတယ်။
ဆိုင်ကလုန်း မိုခါ ကြောင့် မြန်မာနိုင်ငံမှာ သေဆုံးသူ ၂၉ ဦးအထိ ရှိလာခဲ့တယ်လို့ နိုင်ငံတကာ သတင်းတွေမှာ ဖော်ပြထားပေမယ့် သီးခြားအတည်ပြုနိုင်ခြင်းမရှိသေးပါဘူး။
ဆိုင်ကလုန်းကြောင့် နိုင်ငံတစ်ဝှမ်းက အိမ်ခြေ ၈၆၀ ကျော် နဲ့ ဆေးရုံ၊ဆေးခန်းတွေအပါအဝင် အဆောက်အဦးအများအပြား ပျက်စီးခဲ့ရပြီး သေဆုံးသူ ၃ ဦးရှိခဲ့ကြောင်း ပြန်ကြားရေးဝန်ကြီးဌာနက မနေ့က ထုတ်ပြန်ထားပါတယ်။
ကေကေ