ရွှေကျင်းဟောင်းအတွင်း မြေစာပြိုကျရာအမျိုးသားတစ်ဦး သေဆုံး
EPN
ဆယ်ဇင်း၊ မေ ၂၁
ကချင်ပြည်နယ်၊ မိုးညှင်းခရိုင်၊ ဖားကန့်မြို့နယ် ဆယ်ဇင်းကျေးရွာအနီး မေလ ၂၀ ရက်နေ့ ၁၀ နာရီခွဲ အချိန်က ရွှေကျင်းဟောင်းတစ်ခု အတွင်း မြေစာပြိုကျရာ အမျိုးသားတစ်ဦး မြေစာပ်ိ၍ သေဆုံးသွားကြောင်း ဆယ်ဇင်း နယ်မြေရဲစခန်းမှ သိရသည်။
သေဆုံးသူမှာ (ဘ)ဦးလှသိန်း ၏ သား အောင်ချမ်းအေးရပ်နေ အသက် ၃၁နှစ်အရွယ်ရှိ အောင်ဆန်းလင်း ဆိုသူဖြစ်ပြီး ဆယ်ဇင်းကျေးရွာ၏ အရှေ့မြောက်ဘက် ၂ မိုင်ခွဲခန့်အကွာ အနက် ၃၅ ပေ ရှိ ရွှေကျင်းဟောင်း၌ မြေစာပိမိမှုကြောင့် ကျောညိုမဲ ယာဒူးပွန်းဒဏ်များဖြင့် ေသဆုံးခဲ့ခြင်း ဖြစ်သည်။
အခင်းဖြစ်ပွားရာသို့ ဆယ်ဇင်းနယ်မြေခံစခန်းမှူး ရဲအုပ်အောင်မြတ်သူနှင့် တပ်ဖွဲ့ဝင်များ၊ ကျေးရွာအုပ်ချုပ်ရေးမှူး ဦးလင်းခိုင်ဖြိုး၊ ဦးမောင်နိုင်နှင့် အဖွဲ့ဝင်များကသွားရောက် စစ်ဆေးကြည့်ရှုကာ သေဆုံးသူ၏ ရုပ်အလောင်းကို တာမခံတိုက်နယ်ဆေးရုံသို့ ပို့ဆောင်ပေးခဲ့ကြောင်း သိရသည်။
ဖြစ်စဥ်နှင့် ပတ်သက်၍ ဆယ်ဇင်းနယ်မြေရဲစခန်းတွင် သေမှု သေခင်း အမှတ်စဉ် ၃/၂၀၂၀ ဖြင့် အမှုရေးဖွင့်ထားကြောင်း သိရသည်။
မိုးဟိန်း