မရမ်းကုန်းမြို့နယ်တွင် Probox ကားတစ်စီးမီး လောင်
EPN
ရန်ကုန်၊ ဧပြီ ၁၀ (၂၀၂၄)
ရန်ကုန်တိုင်း၊ မရမ်းကုန်းမြို့နယ်တွင် ယနေ့ (ဧပြီ ၁၀ ရက်)၊ နံနက်အစောပိုင်းက Probox ကားတစ်စီး မီးလောင်မှုဖြစ်ပွားခဲ့ကြောင်း မီးသတ်တပ်ဖွဲ့ထံမှ သိရသည်။
ယနေ့၊ နံနက်အစောပိုင်း ၃ နာရီ ၅၄ မိနစ်ခန့်က မရမ်းကုန်းမြို့နယ်၊ အမှတ် (၉)ရပ်ကွက်၊ ဝါယာလက် (၂)လမ်းထိပ်တွင် Probox ကားတစ်စီး မီးလောင်နေသဖြင့် မရမ်းကုန်းမြို့နယ် မီးသတ်စခန်းမှ တပ်ဖွဲ့ဝင်များက သွားရောက်ငြှိမ်းသတ်ရာ နံနက် ၄ နာရီ ၆ မိနစ်တွင် မီးငြိမ်းသွားခဲ့ကြောင်း သိရသည်။
Probox ကား မီးစတင်လောင်ကျွမ်းရသည့် အကြောင်းရင်းနှင့် ပျက်စီးဆုံးရှုံးမှုတန်ဖိုးကို မြို့နယ်မီးသတ်စခန်းမှ တာဝန်ရှိသူများက စစ်ဆေးလျက်ရှိကြောင်း သိရသည်။
ကျော်စိုးသူ