ပူတာအိုမြို့ ရာဇီကုန်းပန်းခြံ၌ ၂၀၂၀ပြည့်နှစ် ကမ္ဘာ့သစ်ပင်စိုက်ပျိုးရေးနေ့ အထိမ်းအမှတ် အရိပ်ရပင်များ စုပေါင်းစိုက်ပျိုး
EPN
ပူတာအို ဇွန် ၂၈
ကချင်ပြည်နယ်၊ပူတာအိုမြို့၊ ကောင်ကထောင်ရပ်ကွက်(၁) ပူတာအို-ဆွမ်ပရာဘွမ်-မြစ်ကြီးနား ပြည် ထောင်စုကားလမ်းမကြီးဘေးရှိ ရာဇီကုန်းပန်းခြံတွင် ကမ္ဘာ့သစ်ပင် စိုက်ပျိုးရေးနေ့အထိမ်းအမှတ်အရိပ်ရ သစ်ပင် များ စိုက်ပျိုးခြင်းကို ဇွန်(၂၇)ရက် နံနက် (၇)နာရီခွဲ၌ သဘာဝပတ်ဝန်းကျင် စိမ်းလန်းစိုပြေလာ စေရေးအတွက် သစ်ပင်စိုက်ပျိုးခဲ့ကြသည်။
အဆိုပါသစ်ပင်စိုက်ပျိုးပွဲကို ကချင်ပြည်နယ်အစိုးရအဖွဲ့၏အစီ အစဉ်၊ ခရိုင်အုပ်ချုပ်ရေးမှူး၏ ကြီးကြပ်မှုဖြင့် မြို့နယ်စည်ပင်သာယာရေးအဖွဲ့ ပျိုးခြံတွင် ပျိုးထောင်ထားရှိသည့် ကံ့ကော်အပင်ပေါင်း(၁၅၀)ပင် တို့ကို သတ်မှတ်ထားသည့် နေရာများတွင် အသီးသီးစိုက်ပျိုးခဲ့ခြင်းဖြစ်ကြောင်း မြို့နယ်စည်ပင်သာယာရေးအဖွဲ့ အမှုဆောင်အရာရှိ ဦးတင်ကိုလွင်ထံမှသိရသည်။
ဖုန်ကန်(ပူတာအို)