မြန်မာနိုင်ငံသည် ၅ လနီးပါးအတွင်း စိုက်ပျိုးရေးပို့ကုန်မှ အမေရိကန်ဒေါ်လာ ၁ ဒသမ ၂၈ ဘီလီယံကျော် ရရှိခဲ့
EPN
မြစ်ကြီးနား၊ စက်တင်ဘာ ၆
မြန်မာနိုင်ငံသည် ၂၀၂၃-၂၄ ဘဏ္ဍာနှစ်၏ ပထမငါးလပတ်နီးပါး (ဧပြီ ၁ ရက်မှ သြဂုတ် ၂၅ ရက်) အတွင်း လယ်ယာပို့ကုန်မှ အမေရိကန်ဒေါ်လာ ၁ ဒသမ ၂၈ ဘီလီယံကျော် ရရှိခဲ့ကြောင်း စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ အင်္ဂါနေ့က ထုတ်ပြန်သည့် အချက်အလက်များအရ သိရသည်။
အဆိုပါ ကိန်းဂဏန်းသည် လွန်ခဲ့သည့်နှစ် အလားတူကာလက မှတ်တမ်းတင်ထားသော ဒေါ်လာ ၁.၄၅ ဘီလီယံကျော်မှ ကျဆင်းသွားကြောင်း ဝန်ကြီးဌာန၏ အချက်အလက်များတွင် ဖော်ပြထားသည်။
မြန်မာနိုင်ငံသည် စိုက်ပျိုးရေး၊ တိရစ္ဆာန်နှင့် ရေထွက်ကုန်ပစ္စည်းများ၊ သတ္တုများ၊ သစ်တောထွက်ပစ္စည်းများနှင့် ထုတ်လုပ်သည့် ကုန်ပစ္စည်းများကို တရုတ်နိုင်ငံ၊ ထိုင်း၊ ဘင်္ဂလားဒေ့ရှ်နှင့် အိန္ဒိယတို့ အပါအဝင် ပြည်ပကုန်သွယ်မှု မိတ်ဖက်နိုင်ငံများသို့ အဓိက တင်ပို့နေကြောင်း ကူးသန်းရောင်းဝယ်ရေး ဝန်ကြီးဌာနမှ သိရသည်။
ယခုနှစ် ဧပြီလ ၁ ရက်မှ သြဂုတ် ၂၅ ရက်အထိ မြန်မာနိုင်ငံသည် စုစုပေါင်းပို့ကုန်မှ ကန်ဒေါ်လာ ၆ ဒသမ ၁၆ ဘီလီယံကျော် ရရှိခဲ့ကြောင်း ဝန်ကြီးဌာန၏ ကိန်းဂဏန်းများအရ သိရသည်။
Ref; Xinhua