ရုရှားဝန်ကြီးချုပ်သည် အမေရိကန် ဒဏ်ခတ်ပိတ်ဆို့ထားသော ကိုယ်စားလှယ်အဖွဲ့နှင့်အတူ တရုတ်နိုင်ငံသို့ သွားရောက်ခဲ့
EPN
နိုင်ငံတကာ၊ မေ ၂၄
ရုရှားဝန်ကြီးချုပ် မီခေးလ် မစ်ရှုစတင် သည် အင်္ဂါနေ့တွင် အမေရိကန် ဒဏ်ခတ်ပိတ်ဆို့ထားသော ကိုယ်စားလှယ်အဖွဲ့နှင့်အတူ တရုတ်နိုင်ငံသို့ နှစ်ရက်ကြာသွားရောက်ခဲ့ပြီး အနောက်နိုင်ငံများက ၎င်းတို့၏ စီးပွားရေးသြဇာလွှမ်းမိုးမှုကို တားဆီးရန် ကြိုးပမ်းနေချိန်တွင် နှစ်နိုင်ငံကြား ကုန်သွယ်မှုနှင့် ရင်းနှီးမြှုပ်နှံမှုဆိုင်ရာ ဆက်ဆံမှုများ ကြီးထွားလာမှုကို မီးမောင်းထိုးပြခဲ့သည်။
မစ်ရှုစတင် သည် ရှန်ဟိုင်းတွင် ပြုလုပ်သော ရုရှား-တရုတ် စီးပွားရေးဖိုရမ်တွင် နိုင်ငံနှစ်ခုမှ တာဝန်ရှိသူများနှင့် ရုရှားကုမ္ပဏီ ၁၅ ခုကျော်မှ ထိပ်တန်းအမှုဆောင်များ တက်ရောက်ခဲ့ကြသည်ဟု ရုရှားနိုင်ငံပိုင် သတင်းအေဂျင်စီ Tass က ဆိုသည်။
ဝန်ကြီးချုပ်သည် ၂၀၂၂ ခုနှစ် ဧပြီလကတည်းက အမေရိကန်ဘဏ္ဍာရေးဌာန၏ ပိတ်ဆို့အရေးယူမှုစာရင်းတွင် ပါဝင်ခဲ့ပြီး ၎င်းတို့အား နိုင်ငံတကာဘဏ္ဍာရေးစနစ်မှ ဖြတ်တောက်ကာ အမေရိကန်တွင် ၎င်းတို့ပိုင်ဆိုင်သည့် ပိုင်ဆိုင်မှုမှန်သမျှကို ရပ်ဆိုင်းထားခဲ့သည်။
ဒဏ်ခတ်ပိတ်ဆို့မှုစာရင်းတွင်ပါဝင်သည့် အခြားကိုယ်စားလှယ်အဖွဲ့တွင် ရုရှားနိုင်ငံ၏ ပြင်ပစီးပွားရေးဖွံ့ဖြိုးတိုးတက်မှုကို ချဲ့ထွင်ရန် အခန်းကဏ္ဍဖြစ်သည့် ဒုတိယဝန်ကြီးချုပ် အလက်ဇန်းဒါ နိုဗက် နှင့်အတူ တာဝန်ရှိသူအများအပြားပါဝင်ခဲ့သည်။
အင်္ဂါနေ့က စီးပွားရေးဖိုရမ်မတိုင်မီတွင် နှစ်နိုင်ငံစလုံး၏ ထိပ်တန်းအရာရှိများသည် ရုရှားနိုင်ငံနှင့် တရုတ်နိုင်ငံ အရှေ့မြောက်နယ်စပ်တွင် တတိယမြောက် တံတားတည်ဆောက်နိုင်ခြေကို ဆွေးနွေးရန် ရှန်ဟိုင်းတွင် တွေ့ဆုံခဲ့ကြောင်း ရုရှားနိုင်ငံခြားရေးဝန်ကြီးဌာနက ပြောကြားခဲ့သည်။
အမေရိကန်ဦးဆောင်သော နိုင်ငံတကာ ပိတ်ဆို့အရေးယူမှုများကြောင့် ရုရှားနိုင်ငံသည် တရုတ်နိုင်ငံသို့ စွမ်းအင်တင်ပို့မှု ပမာဏ ပိုမိုများပြားလာပြီး ကုန်သွယ်မှုပိုငွေရရှိနေသည်။၂၀၂၃ ခုနှစ် ပထမလေးလအတွင်း ရုရှားမှ တရုတ်နိုင်ငံ၏ သွင်းကုန်သည် အမေရိကန်ဒေါ်လာ ၃၉.၅ ဘီလီယံအထိတိုးလာပြီး ပို့ကုန်သည် ၃၃.၇ ဘီလီယံအထိ တိုးလာခဲ့ကြောင်း တရုတ်အကောက်ခွန်ရုံးမှ သိရသည်။
ရုရှား-တရုတ် ဆက်ဆံရေးတိုးတက်မှုကို ၂၀၂၂ ခုနှစ်တွင် အရှိန်အဟုန် နှင့် တည်ဆောက်ခဲ့ပြီးနှစ်နိုင်ငံကုန်သွယ်မှုသည်စံချိန်တင်ဒေါ်လာ ၁၉၀ ဘီလီယံအထိရောက်ရှိခဲ့သည်။
မစ်ရှုစတင်သည် ရှန်ဟိုင်းတွင် BRICS New Development ဘဏ်ကို ဦးဆောင်နေသည့် ဘရာဇီးသမ္မတဟောင်း ဒီလီမာ ရိုဆက် နဲ့ တွေ့ဆုံဆွေးနွေးဖို့ စီစဉ်ထားပြီး ထို့နောက်တွင် တရုတ်သမ္မတရှီကျင့်ဖျင် နှင် ဝန်ကြီးချုပ် လီချမ်း နဲ့ တွေ့ဆုံရန် ပေကျင်းသို့ သွားရောက်မည်ဖြစ်သည်။
ရုရှားနှင့် တရုတ်တို့သည် ၎င်းတို့၏ ဆွေးနွေးပွဲအပြီးတွင် နှစ်နိုင်ငံ သဘောတူညီချက်များကို လက်မှတ်ရေးထိုးရန် မျှော်လင့်ရသည်။
“ကျွန်ုပ်တို့၏ ပူးပေါင်းဆောင်ရွက်မှု နယ်ပယ်များတွင် စက်မှုကုန်ထုတ်လုပ်ငန်းနှင့် လုပ်ငန်းများကို ပူးပေါင်းဆောင်ရွက်ရုံသာမက အဆင့်မြင့်နည်းပညာများကို အပြန်အလှန်လက်လှမ်းမီနိုင်စေရန် ဆန်းသစ်တီထွင်သော ဖြေရှင်းနည်းများကို ပူးပေါင်း မြှင့်တင်ပေးရန် လိုအပ်သည်။” ဟု မစ်ရှုစတင် ကပြောကြားခဲ့ကြောင်း Tass ကဖော်ပြသည်။
“ကျွန်ုပ်တို့နိုင်ငံသည် တရုတ်နိုင်ငံသို့ ထိပ်တန်းရေနံ တင်သွင်းသူဖြစ်သည်။ သဘာဝဓာတ်ငွေ့ရည်အပြင် ကျောက်မီးသွေး တင်ပို့မှုမှာလည်း တဖြည်းဖြည်း တိုးလာပါသည်။ ပြန်လည်ပြည့်ဖြိုးမြဲစွမ်းအင် အပါအဝင် အခြားသော အဓိကစီမံကိန်းများကို အကောင်အထည်ဖော်ရာတွင် ပူးပေါင်းဆောင်ရွက်ရန် အဆင်သင့်ရှိပါသည်။” ဟု မစ်ရှုစတင် ကပြောသည်။
ref; nikkei