လူကုန်ကူးခံရတဲ့ လိင်ပြောင်းထိုင်းနိုင်ငံသား ကို မြန်မာရဲတပ်ဖွဲ့ကယ်တင်
EPN၊ ဧပြီ ၁၀
နယ်စပ်ဒေသမှာ လူကုန်ကူးခံရတဲ့ လိင်ပြောင်း ထားတဲ့ ထိုင်းနိုင်ငံသား(၁)ဦး ကို ကယ်တင်နိုင်ခဲ့ကြောင်း မြန်မာနိုင်ငံရဲတပ်ဖွဲ့က သတင်းထုတ်ပြန်ထားပါတယ်။
ထိုင်းရဲတပ်ဖွဲ့ ရဲ့ အကူအညီတောင်းခံချက် အရ ထိုင်း-မြန်မာနယ်စပ်မှာ လူကုန်ကူးခံရနိုင်ဖွယ် ရှိတဲ့ လိင်ပြောင်း ထိုင်းနိုင်ငံသားတစ်ဦးကို လူကုန်ကူးမှု တားဆီးနှိမ်နင်းရေးရဲတပ်ဖွဲ့က ဧပြီလ၃ရက်မှာ ရှာဖွေကယ်တင်ခဲ့တာဖြစ်ပါတယ်။ အဆိုပါ ထိုင်းနိုင်ငံသား ဟာ နယ်စပ်ရှိ Night Club တစ်ခုမှာ ဇန်နဝါရီ ၁၁ရက်မှစတင်ကာ စားပွဲထိုးအဖြစ် အလုပ်လုပ်ကိုင်နေရတာဖြစ်ပါတယ်။
အလုပ်ရှင်ကနေ သူရဲ့ ထိုင်းနိုင်ငံကူးလက်မှတ်ကို သိမ်းဆည်းထားတာ ကြောင့် ထိုင်းနိုင်ငံဆီ ပြန်ခွင့် မရဘဲ စားပွဲထိုးအလုပ်ကိုလုပ်ကိုင်နေရကြောင်း စစ်ဆေးပေါ်ပေါက်ခဲ့ပါတယ်။ ကယ်တင်ခဲ့တဲ့ ထိုင်းနိုင်ငံသားကို မိခင်နိုင်ငံဆီ ပြန်လည်လွှဲပြောင်းပေးသွားဖွယ်ရှိနေတယ်လို့သိရပါတယ်။